МІНСК, 25 сак – Sputnik. Карабель "Союз МС-25" з першай беларускай жанчынай-касманаўтам Марынай Васілеўскай прыстыкуецца да Міжнароднай касмічнай станцыі 25 сакавіка, паведамілі ў "Роскосмосе".
Ракета з караблём стартавала з Байканура 23 сакавіка ў 15:36 па мінскім часе.
Беларуска ўвайшла ў міжнародны экіпаж з трох чалавек, якім кіруе герой Расіі, ураджэнец Беларусі Алег Навіцкі. У якасці бортінжынера на станцыю паляцела амерыканская астранаўт Трэйсі Дайсан.
Стыкоўка карабля да модуля МКС "Причал", згодна з планамі, адбудзецца ў панядзелак у 18:10 па мінскім часе.
Стартавалі з другой спробы
Першапачаткова пуск карабля быў запланаваны з Байканура 21 сакавіка ў 16:21, але палёт быў адменены за 20 секунд да старту. Экіпаж у гэтым момант ужо знаходзіўся ўнутры карабля.
Паводле інфармацыі кіраўніка "Роскосмоса" Юрыя Барысава, на завяршальным этапе перадпускавай падрыхтоўкі адбылася няштатная сітуацыя, з-за якой працэдуру прыйшлося спыніць. Паводле яго слоў, прычынай была прасадка напружання хімічнай крыніцы току.
Пазней гендырэктар "Роскосмоса" запэўніў прэзідэнта Беларусі Аляксандра Лукашэнку, што ўсе недахопы, з-за якіх прыйшлося адмяніць старт, ліквідаваны ў адпаведнасці з рэгламентам.
У выніку ссунуўся тэрмін вяртання Васілеўскай і Навіцкага на Зямлю: яны прыляцяць не 2, а 6 красавіка.
На станцыі касманаўты правядуць 12 сутак і вернуцца дадому на караблі "Союз МС-24", які зараз прыстыкаваны да МКС. Яны вернуцца разам з амерыканкай Лорал О’Харай, якая прыляцела на МКС 15 верасня 2023 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"