МІНСК, 26 сак – Sputnik. Расія зробіць усё, каб арганізатары і заказчыкі жахлівага тэракта ў "Крокус Сити Холл" панеслі справядлівае і суровае пакаранне, заявіў пасол Расіі ў Беларусі Барыс Грызлоў перад паказам мастацкага фільма "Свидетель" у Мінску, перадае карэспандэнт Sputnik.
"Як вы ўсё ведаеце, у сувязі з трагічнымі падзеямі ў Расіі і Беларусі былі адменены многія забаўляльныя мерапрыемствы. Але наша сённяшняя сустрэча і сам фільм маюць далёка не забаўляльны характар", - падкрэсліў дыпламат.
У памяць аб ахвярах тэракта ён аб’явіў хвіліну маўчання. Пасол запэўніў, што праваахоўныя органы ўстановяць усе дэталі злачынства. Паводле яго слоў, у Расіі адчуваюць і высока цэняць падтрымку з боку кіраўніцтва і простых грамадзян Беларусі, а таксама іншых краін.
Пасол РФ у Мінску Барыс Грызлоў
© Посольство РФ в Беларуси
"З пятніцы (з 22 сакавіка - Sputnik) беларусы нясуць кветкі, лампады і дзіцячыя цацкі да стыхійных мемарыялаў каля сцен пасольства Расіі ў Мінску і ва ўсіх рэгіянальных цэнтрах Беларусі ў памяць аб ахвярах жахлівага тэракта", - звярнуў увагу Грызлоў.
Ён таксама нагадаў, што менавіта 22 сакавіка 1943 года карнікі-акупанты і ўкраінскія калабарацыяністы спалілі беларускую вёску Хатынь са 149 мірнымі жыхарамі, сярод якіх было 75 дзяцей.
"Сучасны ўкраінскі нацызм вядзе ідэалагічную і арганізацыйную пераемнасць ад гітлераўскіх калабарантаў часоў Другой сусветнай вайны, катаў Хатыні і Валыні", - падкрэсліў пасол.
Гледачы на паказе карціны
© Посольство РФ в Беларуси
Грызлоў правёў гістарычныя паралелі паміж актыўнасцю Адольфа Гітлера, калі той змагаўся за ўладу ў Германіі, і сучаснымі "азоўцамі". Ён зрабіў акцэнт на тым, што ўнутраная палітыка ва Украіне ў нядаўнім мінулым ігнаравала інтарэсы і адмаўляла законныя правы насельніцтва рэгіёнаў, якія раней былі на паўднёвым усходзе краіны. Гэта вылілася ў спробы Кіева вырашыць "данбаскае пытанне" сілавым шляхам, пачынаючы з 2014 года. А з пачатку 2022 года было абвастрэнне сітуацыі ўздоўж усёй лініі судакранання ў Данбасе.
"У Расію накіраваўся паток бежанцаў. У сакавіку 2022 года УСУ планавалі захоп Данбаса", - нагадаў Грызлоў.
Фільм "Свидетель", на паказе якога прысутнічаў пасол, прысвечаны падзеям пачатку СВА. Галоўны герой Даніэль Коэн – гэта музыкант з Бельгіі. Па сюжэце, у канцы лютага 2022 года ён прыязджае з гастролямі ва Украіну і становіцца відавочцам бесчалавечных злачынстваў.
Выканаўца галоўнай ролі, расійскі акцёр тэатра і кіно Карэн Бадалаў, таксама прысутнічаў на паказе. Прыехаў у Мінск і сцэнарыст карціны Сяргей Волкаў. Фільм паглядзелі дыпламаты, курсанты ВНУ сілавых ведамстваў, дзеячы культуры і іншыя запрошаныя.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"