МІНСК, 2 кра – Sputnik. Страты беларускага боку ад санкцый, якія былі ўведзены Захадам у 2022 годзе, ужо кампенсаваліся, заявіў журналістам пасол Расіі ў Беларусі Барыс Грызлоў, перадае карэспандэнт Sputnik.
"Праблемы, якія маглі быць у 2022 годзе, калі для Беларусі былі аб’яўлены санкцыі з боку Еўрасаюза... Усё гэта ўжо кампенсавана тымі кантрактамі, якія заключаны з рэгіёнамі Расійскай Федэрацыі", - сказаў пасол.
Барыс Грызлоў дадаў, што ў 2022 годзе ў Беларусі пабывалі 22 дэлегацыі з рэгіёнаў Расіі, у 2023 – ужо 38, а ў няпоўным 2024 годзе – шэсць.
"Гэта значыць, мы бачым, што за тры гады тут пабывалі практычна дэлегацыі ўсіх суб'ектаў Расійскай Федэрацыі", - дадаў пасол.
Ён таксама нагадаў, што тавараабарот з Расіяй у Беларусі складае ўжо 60% ад усяго тавараабароту. Развіваецца супрацоўніцтва і ў галіне культуры, і ў сферы спорту.
Дзень яднання народаў Расіі і Беларусі
У аўторак пасол наведаў урачысты сход у гонар Дня яднання народаў Расіі і Беларусі. Ён адзначаецца 2 красавіка, бо менавіта ў гэты дзень у 1996 годзе прэзідэнты Беларусі і Расіі Аляксандр Лукашэнка і Барыс Ельцын падпісалі дагавор аб утварэнні супольнасці дзвюх краін, праз год – Дагавор аб Саюзе Беларусі і Расіі.
У снежні 1998-га былі заключаны Дэкларацыя аб далейшым яднанні Беларусі і Расіі, Дагавор аб роўных правах грамадзян, Пагадненне аб стварэнні роўных умоў суб’ектам гаспадарання і пратакол да яго.
У снежні 1999-га былі падпісаны Дагавор аб стварэнні Саюзнай дзяржавы і праграма дзеянняў па рэалізацыі палажэнняў гэтага дагавора. З 26 студзеня 2000 года аб’яднанне стала афіцыйна назвацца Саюзнай дзяржавай.
У 2019 годзе дзве краіны пачалі працаваць над дарожнымі картамі інтэграцыі па розных напрамках. Потым іх перайменавалі ў саюзныя праграмы.
4 лістапада 2021 года прэзідэнты Беларусі і Расіі Аляксандр Лукашэнка і Уладзімір Пуцін падпісалі 28 саюзных праграм. Яны датычацца адзінай палітыкі ў крэдытна-фінансавай і банкаўскай сферах, адзіных прынцыпаў падаткаабкладання, агульных падыходаў у працы прамысловасці і сельскай гаспадарцы і іншыя.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"