МІНСК, 9 мая – Sputnik. Рашэнне польскага суддзі Томаша Шміта папрасіць прыстанішча ў Беларусі – гэта "ўдар пад дых Польшчы", заявіў журналістам у Мінску беларускі лідар Аляксандр Лукашэнка.
"Гэтага чалавека я ўбачыў толькі, калі ён праводзіў прэс-канферэнцыю. Гэта абсалютны чалавек. Але гэта ўдар пад дых уладам Польшчы", - падкрэсліў ён.
Таксама кіраўнік дзяржавы назваў "глупствам поўным" сцвярджэнне Захаду аб тым, што Беларусь завербавала польскага суддзю. Кіраўнік дзяржавы запэўніў, што ён абавязкова разгледзіць прашэнне Шміта аб палітычным прыстанішчы.
"Калі завербавалі, факты на стол. Гэта ж усё проста. Калі ты завербаваны, і ты так кажаш – пакладзі на стол факты… Гэта патрыятычны нармальны чалавек (Шміт - Sputnik), таму яго заяву, з якой ён звярнуўся да мяне, я абавязкова разгледжу", - сказаў Лукашэнка.
Па словах беларускага лідара, ён даручыў міліцыі "панаглядаць" за Томашам Шмітам, каб таго "не загубілі".
Лукашэнка таксама паведаміў, што абмяркоўваў Шміта з прэзідэнтам Расіі Уладзімірам Пуціным у Маскве.
"Ну, я яму (Пуціну - Sputnik) падрабязна распавядаю. Ён: "Так, так, так. Я заўважыў". Гэта значыць, гэта заўважылі ўсе… Таму ім (Польшчы - Sputnik) трэба нешта казаць. Вось яны і кажуць, што мы яго завербавалі. Глупства поўнае", - дадаў кіраўнік дзяржавы.
У Беларусь за палітычным прыстанішчам
Нагадаем, 6 мая польскі суддзя Томаш Шміт даў прэс-канферэнцыю ў Мінску і зрабіў шэраг гучных заяў. Ён сказаў, што просіць палітычнага прыстанішча ў Беларусі.
Пазней стала вядома аб тым, што польскія спецслужбы ініцыявалі расследаванне, каб высветліць, да якіх сакрэтных дакументаў мог мець доступ Шміт. Акрамя таго, пракуратура Польшчы ўзбудзіла ў дачыненні да яго крымінальную справу аб шпіянажы. Нагляднае ведамства ўдакладніла, што размова ідзе аб п. 2 арт. 130 КК Польшчы (удзел у дзейнасці замежнай разведкі). Артыкул прадугледжвае ад 8 гадоў пазбаўлення волі або пажыццёвае зняволенне.
У інтэрв’ю для радыё Sputnik Беларусь суддзя расказаў пра матывы, якія яго заахвоцілі з’ехаць з Польшчы. Пры гэтым ён адзначыў, што, на яго думку, польскія ўлады абслугоўваюць інтарэсы Вашынгтона і Лондана.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"