Усебеларускі Хрэсны ход Жыровічы – Мінск прыбыў у сталіцу

МІНСК, 26 жні – Sputnik. Усебеларускі хрэсны ход, прымеркаваны да 40-годдзя ўстанаўлення святкавання Сабору Беларускіх святых, прыбыў у Мінск, перадае карэспандэнт Sputnik.

Урачыстасці, прымеркаваныя да гадавіны, пройдуць у сталіцы 26 жніўня – у дзень здабыцця Мінскай іконы Божай Маці, якая з’яўляецца нябеснай заступніцай Беларусі.

Хрэсны ход, які благаславіў Патрыяршы Экзарх усяе Беларусі мітрапаліт Мінскі і Заслаўскі Веніямін, пачаўся 18 жніўня ад сцен Жыровіцкага манастыра. Яго ўдзельнікі за дзевяць дзён наведалі больш за 20 храмаў у чатырох епархіях і прайшлі каля 250 км.

Па словах арганізатараў, з самага пачатку ў Хрэсным ходзе прынялі ўдзел амаль 400 паломнікаў. У Мінск прыйшло больш за тысячу паломнікаў, колькасць якіх па меры праходжання па сталіцы павялічылася да трох тысяч чалавек.

Заключны ўчастак шляху паломнікі прайшлі ад храма Покрыва Прасвятой Багародзіцы да Свята-Духавага кафедральнага сабора.

У 9:30 ля сцен сабора пачалася Саборная Боская літургія, якую ўзначальвае прадстаяцель БПЦ мітрапаліт Веніямін.