МІНСК, 18 мая – Sputnik. Гадавая інфляцыя ў Беларусі ў красавіку бягучага года склала 6,5%, паведамілі ў Нацыянальным статыстычным камітэце рэспублікі.
Паводле даных ведамства, індэкс спажывецкіх цэн на тавары і паслугі ў красавіку ў параўнанні з сакавіком склаў 101%, з красавіком – 106,5%.
Пры гэтым базавы індэкс спажывецкіх цэн, які выключае змяненне цэн на асобныя тавары і паслугі з улікам фактараў адміністрацыйнага і сезонных фактараў у красавіку ў параўнанні з сакавіком склаў 100,8%, са снежнем 2024 года – 103%.
Месяцам раней Белстат паведамляў, што гадавая інфляцыя ў краіне ў сакавіку склала 5,9%, а месячная – 0,8%.
Цэны на харчовыя тавары за месяц выраслі на 1,4%, з пачатку года – на 4,2%, а ў гадавым выражэнні – на 8,3%. Нехарчовыя тавары за красавік сталі даражэй на 0,7%, а з пачатку года – на 2,2%, у гадавым выражэнні – на 3,6%. Паслугі падаражэлі за месяц усяго на 0,5%, але з пачатку года – на 5,1%, а ў гадавым выражэнні – адразу на 7%.
Раней прэзідэнт Беларусі Аляксандр Лукашэнка паставіў задачу ўраду і Нацбанку працаваць на тым, каб індэкс спажывецкіх цэн не перавышаў 5% у канцы 2025 года.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"