Эфектны салют упрыгожыў неба Мінска ў Дзень Незалежнасці – фота

Салют расфарбаваў неба над Мінскам адразу пасля завяршэння патрыятычнага флэшмобу "Праспяваем гімн разам". Акцыя аб’яднала тысячы мінчан і гасцей сталіцы, якія назіралі за яркімі залпамі ў Парку Перамогі і іншых месцах.

Сёлета феерверк на 3 ліпеня арганізавалі ў шасці кропках – на набярэжнай у мікрараёне Дразды, каля Нацыянальнай бібліятэкі, у парку імя Уга Чавеса, у парку імя Міхаіла Паўлава, у Парку Перамогі і каля "Чыжоўка-Арэны".

Па ўсёй Беларусі сёння прайшлі ўрачыстыя мерапрыемствы, прысвечаныя Дню Незалежнасці. У розных гарадах рэспублікі адбыліся цырымоніі ўскладання кветак, святочныя шэсці, ваенныя рэканструкцыі і канцэрты. Sputnik пісаў, як адзначылі Дзень Незалежнасці і ў Гомелі, Гродне, Віцебску і Мінску.