МІНСК, 5 сне – Sputnik. Фестываль расійскага кіно пройдзе з 12 па 14 снежня ў мінскім кінатэатры "Масква", паведамляе дзяржаператар сталічных кінатэатраў "Кінавідэапракат".
Мерапрыемства арганізавана "Роскино" пры падтрымцы Мінкультуры Расіі.
"Фестывалі расійскага кіно ў Беларусі – добрая штогадовая традыцыя, бо нашы краіны звязваюць агульныя чалавечыя каштоўнасці і аб’ядноўвае сумесная гістарычная памяць", - адзначаюць арганізатары.
Паглядзець расійскія фільмы можна будзе бясплатна, калі глядач загадзя зарэгістраваўся па спасылцы на сайце "Роскино".
У гонар 80-годдзя Перамогі фестываль адкрыюць паказам ваеннай драмы "Группа крови" (2025). Яна заснавана на рэальных падзеях, якія адбываліся ў дзіцячым канцлагеры.
Таксама ў афішы фестывалю: спартыўная драма аб станаўленні алімпійскага чэмпіёна Юрыя Цюкалава "Первый на Олимпе" (2025), шпіёнскі дэтэктыў сумеснай вытворчасці Расіі і Кітая "Красный шелк" (2025), маляўнічая вясёлая мультыплікацыя "Большое путешествие. Вокруг света" (2024), музычная карціна пра лёс геніяльнага паэта "Пророк. История Александра Пушкина" (2024), рэтрадрама аб савецкай актрысе 1930-х гадоў Галіне Каўровай "Любовь Советского Союза" (2024).
Перад гэтым фестывалем у Мінску таксама запланаваны паказы першай Адкрытай Еўразійскай кінапрэміі "Бриллиантовая бабочка", арганізаваныя Расійскім фондам культуры пры падтрымцы "Роскино" і Мінкультуры Расіі. На сеансы таксама даступна бясплатная рэгістрацыя.
Раней сёлета ў беларускай сталіцы праходзілі "Дні расійскага кіно" ў рамках Мінскага міжнароднага кінафестывалю "Лістапад", а на "Днях кіно краін СНД", якія адбыліся ў Санкт-Пецярбургу, былі прадэманстраваны дакументальныя стужкі з Беларусі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"