Спадчына Францыска Скарыны прадстаўлена на выставе ў Парыжы

© Photo : Міністэрства інфармацыі Рэспублікі БеларусьСпадчына Францыска Скарыны прадстаўлена на выставе ў Парыжы
Спадчына Францыска Скарыны прадстаўлена на выставе ў Парыжы - Sputnik Беларусь
Падпісацца
Кнігі, прысвечаныя Францыску Скарыне, прадстаўлены на Salon du livre de Paris 2017 у Францыі.

МІНСК, 25 сак — Sputnik. Дэлегацыя беларускіх кнігавыдаўцоў прымае ўдзел у Парыжскай кніжнай выставе, якая пройдзе з 24 па 27 сакавіка, паведамілі Sputnik у Міністэрстве інфармацыі Беларусі.

Белгазпрамбанк вярнуў Беларусі кнігу першую кнігу Францыска Скарыны - Sputnik Беларусь
Белгазпрамбанк вярнуў Беларусі кнігу Францыска Скарыны

Паводле словаў арганізатараў, "дамінантнай тэмай нацыянальнай экспазіцыі, безумоўна, з'яўляецца юбілейная дата — 500-годдзе беларускага кнігадрукавання".

Наведвальнікам выставы прадстаўлены шэраг выданняў, выдадзеных да гэтай знакавай даты — "Францыск Скарына чалавек свету", "Францыск Скарына. Са слаўнага горада Полацка", "Шляхамі Францыска Скарыны", "Францыск Скарына. Маем найбольшае самі", "Асветнікі Беларусі. Ефрасіння Полацкая. Кірыла Тураўскі. Францыск Скарына", дзіцячая энцыклапедыя "Францыск Скарына" ў трох кнігах "Чалавек-энцыклапедыя", "Чалавек святла", "Чалавек-легенда" і многія іншыя. Прэзентавана факсімільнае 20-томнае выданне "Кніжная спадчына Францыска Скарыны".

Падчас адкрыцця беларускага павільёну, пасол Беларусі ў Францыі Павел Латушка падкрэсліў, што гэты юбілей з'яўляецца вельмі сімвалічнай датай, якая пацвярджае, што беларуская культура і асвета маюць глыбокія гістарычныя карані, а спадчына Францыска Скарыны, які праз сваю дзейнасць нёс на беларускія землі дух і ідэі Рэнесансу, падкрэслівае прыналежнасць нашай краіны да агульнаеўрапейскай духоўнай прасторы.

Надрукаваныя старонкі Бібліі Францыска Скарыны - Sputnik Беларусь
Фота
Як Францыск Скарына Біблію друкаваў

Як паведамілі ў беларускай дыпмісіі, пасол Беларусі зачытаў перад прысутнымі прадмову Францыска Скарыны да сваіх выданняў, перакладзеную на сучасную беларускую мову, а намеснік дырэктара па пытаннях развіцця кніжных фондаў INALCO П'ер-Фрэдэрык Гарэт — пераклад на французскую мову.

Напрыканцы цырымоніі ў дар Бібліятэцы французскага Інстытута ўсходніх моў ад імя Міністэрства інфармацыі Беларусі была ўрачыста перададзена калекцыя са 127 беларускіх кніг. Прадстаўнікі французскай навучальнай установы высока ацанілі падарунак беларускага боку і адзначылі, што гэтая калекцыя будзе садзейнічаць студэнтам у вывучэнні беларускай мовы, якая выкладаецца разам з 94 мовамі свету ў сценах INALC.

"Спадар Гарэт адзначыў, што ў гэтым годзе ў Інстытуце беларускую мову пачалі вывучаць 10 французскіх студэнтаў-першакурснікаў", — распавялі беларускія дыпламаты.

Парыжскі кніжны салон будзе працягваць сваю працу да 27 сакавіка. Сёлета ў Салоне прымаюць удзел прадстаўнікі 42 краін. Чакаецца, што на мерапрыемства завітаюць больш за 150 тысяч наведвальнікаў.

Стужка навiн
0