09:07 14 кастрычніка 2019
«Радыё Sputnik»
  • USD2.05
  • EUR2.26
  • 100 RUB3.19
Фестываль Свята Сонца-2017

Старажытныя абрады Купалля дэталёва ўзновяць на "Свяце Сонца"

© Sputnik Юлія Хвошч
Культура
Атрымаць кароткую спасылку
5310

Традыцыйна гасцей чакае шмат музыкі, танцаў і відовішчны фестываль агню і піратэхнікі.

МІНСК, 2 кра - Sputnik. Чацвёрты міжнародны купальскі фолк-фестываль "Свята Сонца" пройдзе ў музейным комплексе "Дудуткі" 22-23 чэрвеня.

Як паведамілі арганізатары, у гэтым годзе асаблівая ўвага будзе надавацца дэталёвай рэканструкцыі старажытных купальскіх традыцый і абрадаваму боку свята.

Як і ў мінулым годзе, на пляцоўцы свята пройдзе адразу некалькіх розных мерапрыемстваў – фестываль агню і піратэхнікі, open-air канцэрт на дзвюх сцэнічных пляцоўках, кірмаш майстроў-рамеснікаў, пленэр кавалёў, будуць працаваць этна-пляцоўкі.

Разам з агульнай праграмай арганізатары ўжо абвясцілі і спіс гуртоў, якія будуць удзельнічаць у свяце.  У спісе хэдлайнераў – беларускія гурты "NAVIBAND", "Стары Ольса", "PAWA", "IRDORATH", украінцы "Joryj Kloc" і музыкі з Расіі "Тролль Гнет Ель".

Кульмінацыяй свята стане факельнае шэсце па беразе ракі Пціч, дзе запаляць вялікія купальскія вогнішчы і пусцяць купальскія вянкі. Усе жадаючыя змогуць скокнуць праз ачышчальны купальскі агонь.

Як прайшло "Свята Сонца" ў 2017 годзе>>>

Традыцыйна з 21 па 23 чэрвеня на тэрыторыі фестываля будзе працаваць намётавы летнік для гасцей і ўдзельнкаў фестывалю. Можна будзе размясціцца ў намётах, прадастаўленых арганізатарамі, ці ўсталяваць уласны намёт на тэрыторыі летніка.

Для зручнасці гледачоў будуць арганізаваны дадатковыя аўтобусныя рэйсы па маршруце Мінск-Дудуткі-Мінск і бясплатны трансфер па маршруце Рудзенск-Дудуткі-Рудзенск.

Тэги:
Купалле, Музейны комплекс "Дудуткі", Свята Сонца

Галоўныя тэмы