12:29 20 чэрвеня 2019
«Радыё Sputnik»
  • USD2.06
  • EUR2.31
  • 100 RUB3.23
Уладзімір Макей

Праспект Незалежнасці можа стаць аб’ектам сусветнай спадчыны ЮНЭСКА

© Sputnik / Виктор Толочко
Культура
Атрымаць кароткую спасылку
2910

Ужо падрыхтаваны адпаведны праект пастанаўлення Саўміна, які накіраваны ў Міністэрства культуры і МЗС Беларусі.

МІНСК, 23 мая - Sputnik. Беларускі бок ужо некалькі гадоў працуе над пытаннем уключэння мінскага праспекта Незалежнасці ў спіс аб’ектаў Сусветнай спадчыны ЮНЭСКА, паведаміў журналістам кіраўнік МЗС Беларусі Уладзімір Макей.

Зараз падрыхтаваны праект пастанаўлення Саўміна, які прадугледжвае падачу праспекта ў папярэдні спіс ЮНЭСКА. Плануецца, што праспект будзе ўключаны ў складзе міжнароднай намінацыі – разам з яшчэ некалькімі краінамі.

"Гэта была нашая прапанова аб тым, каб зрабіць праект рэгіянальным, бо ёсць адметныя рысы і асаблівасці ў кожнай краіне і ў кожнай сталіцы. Таму мы прапанавалі нашым суседзям зрабіць сумесны рэгіянальны праект, накіравалі свае прапановы Расіі, Украіне, Польшчы і Германіі. Хтосьці адгукнуўся, хтосьці - не", - патлумачыў кіраўнік знешнепалітычнага ведамства.

На хуткае завяршэнне працэдуры разлічваць не прыходзіцца, таму што трапленне ў пералік залежыць не толькі ад беларускага боку, але і ад хуткасі падрыхтоўкі дакументаў іншымі краінамі-удзельніцамі.

"Я лічу, што гэта перспектыўну накірунак нашай працы, таму што трэба рабіць больш дзеля таго, каб з’яўляліся пэўныя аб’ядноўваючыя моманты", - падкрэсліў Макей.

Чытайце таксама:

Тэги:
Беларусь, Уладзімір Макей

Галоўныя тэмы