02:34 19 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Бяспека
Атрымаць кароткую спасылку
26 0 0

Задума будучага вучэння узгоднена на пасяджэнні Камітэта начальнікаў Генштабоў краін СНД, якое прайшло ў Санкт-Пецярбургу.

МІНСК, 9 чэр – Sputnik. Вучэнне з баявой стральбой войскаў аб'яднанай сістэмы СПА "Баявая садружнасць-2021" пройдзе ў верасні. Пра гэта распавёў начальнік Генеральнага штаба Узброеных сіл Расійскай Федэрацыі - першы намеснік міністра абароны генерал арміі Валерый Герасімаў па выніках пасяджэння Камітэта начальнікаў Генштабоў краін СНД, якое прайшло ў Санкт-Пецярбургу.

"Узгоднена задума правядзення сумеснага вучэння з баявой стральбой войскаў (сіл) аб'яднанай сістэмы СПА "Баявая садружнасць-2021". Вучэнне пройдзе ў верасні ў два этапы на палігонах Расійскай Федэрацыі і Рэспублікі Казахстан", - цытуе Герасімава РІА Навіны.

Па словах Герасімава, у ходзе пасяджэння вызначаны задачы ў галіне пабудовы сістэмы паветрана-касмічнай абароны дзяржаў-удзельніц СНД, узгоднены сумесныя мерапрыемствы ўзброеных сіл на 2022 год. Таксама намечаны шляхі развіцця ўзаемадзеяння ў галіне абароны і ваеннай бяспекі, зыходзячы з патрабаванняў, вызначаных прэзідэнтамі дзяржаў у новай канцэпцыі ваеннага супрацоўніцтва краін СНД да 2025 года.

Від на маскоўскі Крэмль з боку Масквы-ракі
© Sputnik / Михаил Воскресенский

План мерапрыемстваў па рэалізацыі канцэпцыі прадугледжвае стварэнне і развіццё сумесных (аб'яднаных) сістэм ваеннага прызначэння, павышэнне ўзроўню ўзаемадзеяння абаронных ведамстваў дзяржаў па пытаннях ўсебаковага забеспячэння, падрыхтоўкі ваенных кадраў і процідзеяння тэрарызму.

Акрамя таго, быў прааналізаваны вопыт войскаў радыяцыйнай, хімічнай і біялагічнай (РХБ) абароны Узброеных сіл Расіі па барацьбе з распаўсюджваннем каронавіруснай інфекцыі і стан бяспекі палётаў авіяцыі ва ўзброеных сілах краін СНД.

У пасяджэнні прынялі ўдзел ваенныя дэлегацыі Азербайджана, Арменіі, Беларусі, Казахстана, Кыргызстана, Расіі, Таджыкістана і Узбекістана, а таксама дэлегацыі Выканаўчага камітэта СНД і сакратарыята Савета міністраў абароны СНД.

Аб'яднаная сістэма СПА СНД

Аб'яднаная сістэма СПА СНД была створана на аснове пагаднення 10 краін Садружнасці, падпісанага 10 лютага 1995 года. Тэрмін дзеяння пагаднення неабмежаваны, яно адкрыта для далучэння іншых краін.

Зараз у склад сіл і сродкаў аб'яднанай сістэмы СПА дзяржаў-удзельніц СНД уваходзяць каля 20 авіяцыйных частак, звыш 50 частак зенітных ракетных і радыётэхнічных войскаў, каля 10 брыгад СПА. Таксама ў склад аб'яднанай сістэмы СПА СНД уключаны часткі радыёэлектроннай барацьбы.

Асноўнымі мэтамі аб'яднаных сіл СПА СНД з'яўляюцца надзейная ахова паветраных меж дзяржаў-удзельніц, папярэджанне пра пагрозу/пачатак паветрана-касмічнага нападзення, абарона найважнейшых аб'ектаў дзяржаў-удзельніц ад удараў з паветра і з космасу.

Чытайце таксама:

Тэги:
Санкт-Пецярбург, СНД, генштаб, камітэт, Баявая садружнасць-2021, СПА, аб'яднаная сістэма СПА, вучэнні

Галоўныя тэмы