13:53 15 красавіка 2021
«Радыё Sputnik»
  • USD2.61
  • EUR3.12
  • 100 RUB3.45
Эканоміка
Атрымаць кароткую спасылку
Саюзная дзяржава Беларусі і Расіі (140)
17 0 0

Мінск і Масква правялі перамовы аб фарміраванні аб'яднаных рынкаў газу і электраэнергіі на мінулым тыдні.

МІНСК, 1 кра – Sputnik. Уся інфраструктура для адзінага газавага рынку Беларусі і Расіі ўжо створана, бакі разлічваюць, што ён запрацуе з наступнага года, паведаміў пасол Рэспублікі Беларусь у Расіі Уладзімір Сямашка.

Перамовы міністраў энергетыкі прайшлі ў Маскве 25 і 26 сакавіка, бакі абмеркавалі "актуальныя пытанні двухбаковага ўзаемадзеяння ў газавай сферы і электраэнергетыцы".

"Труба газавая ідзе і па Расіі, і па Беларусі, уся інфраструктура створана, таму тут адразу бачыцца адзіны рынак. Мы спадзяемся, што ён запрацуе 1 студзеня 2022 года", - цытуе пасла "Расійская газета".

Сямашка таксама адзначыў, што Мінску і Маскве неабходна стварыць "пілотны праект" перад тым, як адзіны рынак газу з'явіцца ў Еўразійскім эканамічным саюзе ў 2025 годзе. Беларусь і Расія жадаюць зрабіць гэта раней, дадаў пасол.

"І я перакананы, што і Расія, і Беларусь ад гэтага толькі выйграюць, і ўсе суседзі па ЕАЭС убачаць гэта і рушаць услед нашаму прыкладу", - падкрэсліў Сямашка.

Адзіная энергасістэма

Стварэнне адзінай энергасістэмы дзвюх краін знаходзіцца на стадыі абмеркавання. Паводле слоў пасла, павінны быць створаны аднолькавыя ўмовы працы: "кошт кілават/гадзіны, і, адпаведна, тарыфы на перадачу".

"Але спачатку бачыцца, што павінны быць вызначаны ўпаўнаважаныя аператары беларускай і расійскай сістэм. І вось гэтыя таргі павінны ісці пакуль аптовыя, праз сячэнне, якое ёсць на мяжы Расіі і Беларусі. Тыя лініі электраперадачы, якія ёсць, напрыклад, паміж Смаленскам і Беларуссю, дазваляюць прапускаць дзесьці 7-8 млрд кілават/гадзін. У гэтых межах будзе ісці аптовая праграма. Паралельна з гэтым будзе ісці працэс стварэння адзінай энергасістэмы Расіі і Беларусі", - адзначыў Сямашка.

Інфраструктуры для адзінай энергасістэмы дзвюх краін пакуль няма, канстатаваў пасол.

"Таму на першым этапе рынак павінен быць аб'яднаны, магчыма, на працягу 3-4 гадоў", - лічыць ён.

Чытайце таксама:

Тэмы:
Саюзная дзяржава Беларусі і Расіі (140)
Тэги:
Уладзімір Сямашка, электраэнергія, перамовы, Масква, Мінск, пасол, Расія, Беларусь, газ, рынак

Галоўныя тэмы