22:28 29 лістапада 2020
«Радыё Sputnik»
  • USD2.58
  • EUR3.08
  • 100 RUB3.41
  • Манах у келлі-скрыпторыі
  • Берасцяная грамата і пісала
  • Тураўскае евангелле
  • Астрамірава Евангелле
  • Старажытная друкарня
  • Пражскае выданне Францыска Скарыны
  • Драўляны прэс
  • Віленскае выданне Псалтыра
  • Пераплётны станок
  • Статут 1529 года
  • Катахезіс Сымона Буднага
  • Статут ВКЛ 1588 года
  • Буквар Сімяона Полацкага
  • Вертаград Сімяона Полацкага
  • Самая вялікая кніга ў Полацкім музеі
© Sputnik Вольга Караленка
У скрыпторыях часта існаваў падзел працы: тут працавалі перапісчыкі (скрыптары) і мастакі (ілюмінатары, мініяцюрысты), а таксама пераплётчыкі.

У Полацкім музеі кнігадрукавання адным дахам змешчаны ўзоры пісьма на камяні, папірусе, пергаменце і паперы, рукапісныя творы невядомых перапісчыкаў, а таксама электронны "Лексікон" Сімяона Полацкага.

Музей кнігадрукавання ў Полацку — адзіны ў Беларусі і ўнікальны ўжо гэтым. Толькі тут можна ўбачыць у адной зале самую вялікую, малую і таўстую кнігу. Высветліць, адкуль пайшло слова сшытак і чым адрозніваюцца пражскія і віленскія выданні Францыска Скарыны. Пабачыць, як выглядае "пісала", Статут Вялікага Княства Літоўскага, "Катахезіс" Сымона Буднага ці "Буквар" Сімяона Полацкага. Тут можна фатаграфавацца побач з экспанатамі, чым актыўна карыстаюцца шматлікія ў канікулярны час дэлегацыі.

Пад адным дахам па сутнасці два музея — кнігадрукавання, а таксама бібліятэка Сімяона Полацкага, якія размяшчаюцца на двух паверхах і маюць 15 экспазіцыйных залаў.

Музей кнігадрукавання быў адчынены 8 верасня 1990 года падчас святкавання 500-годдзя з дня нараджэння славутага палачаніна Францыска Скарыны. А 25 сакавіка 1994 года быў адкрыты Музей-бібліятэка Сімяона Полацкага, які завяшчаў частку сваёй бібліятэкі полацкаму Богаяўленскаму манастыру. Яго воля не была выканана, але музей створаны менавіта ў тым месцы, дзе знаходзіўся драўляны будынак полацкай брацкай школы пры Богаяўленскім манастыры, у якой вучыўся, а пазней працаваў настаўнікам Сімяон Полацкі.

Экскурсаводы ў залежнасці ад узросту наведвальнікаў распавядаюць гісторыю пра паходжанне кожнай кнігі. І нават калі вы разглядаеце экспнаты без суправаджэння спецыялістаў, ёсць магчымасць раведацца пра ўсё, дзякуючы паслугам аўдыягіду. А сёння мы прапаноўваем пахадзіць па залах музея разам са Sputnik.

Тэги:
кнігадрукаванне, кніга, музей, Сымон Будны, Сімяон Полацкі, Францыск Скарына, Полацк

Яшчэ фотастужкі

Галоўныя тэмы