16:08 24 верасня 2018
«Радыё Sputnik»
  • USD2.08
  • EUR2.45
  • 100 RUB3.15
Нясвіжскі замак, архіўнае фота

Партрэт Марыі Сапегі папоўніў калекцыю Нясвіжскага замка

© Sputnik / Ася Поплавская
Спадчына
Атрымаць кароткую спасылку
3210

Выяву знакамітай сваячкі ў музей перадала ўнучка апошняга ардзінатара замка Дзіяна Караба.

МІНСК, 14 сак — Sputnik. Экспазіцыя Нясвіжскага замка папоўнілася партрэтам яшчэ адной прадстаўніцы роду Радзівілаў — Марыі Анэлі Сапегі Браніцкай.

Марыя Сапега — гэта бабуля апошняй жыхаркі Нясвіжскага замка Эльжбэты Радзівіл, якая ў мінулым годзе адсвяткавала стогадовы юбілей і зараз жыве ў Варшаве. Бацькі Эльжбэты — Альбрэхт Радзівіл і англічанка Дораці Паркер Дзікан.

Як паведаміў карэспандэнту Sputnik дырэктар Нацыянальнага гісторыка-культурнага музея-запаведніка "Нясвіж" Сяргей Клімаў, партрэт перадала ў калекцыю музея ўнучка апошняга ардзінатара Несвіжскага замка Дзіяна Караба. Яна разам са сваім мужам наведвала Беларусь у мінулым годзе і падзяліліся сваім жаданнем: выява Марыі павінна быць у замку.

Пасля візіта ў палац заказалі копію партрэта. Арыгінал належыць пэнзлю знакамітага аўстрыйскага мастака Франца Вінтэрхальтэра. Карціны майстра, які быў адным з самых модных партрэтыстаў сярэдзіны XIX стагоддзя, дэманстраваліся нават у Букінгемскім палацы.

Дакладны кошт партрэта, які наведвальнікі змогуць убачыць у жаночай палове Нясвіжскага замка, не вядомы. Арыгінал, дарэчы, зараз знаходзіцца ў музеі Філадэльфіі.

Сяргей Клімаў расказаў, што некалькі год таму музею прапанавалі купіць копію партрэта, якая была ацэнена ў 20 тысяч еўра, але яны адмовіліся.

Дырэктар гісторыка-культурнага музея-запаведніка падкрэсліў, што нясвіжская калекцыя няспынна папаўняецца новымі экспанатамі. У мінулым годзе сюды патрапілі сабля князя Рыбанькі і фрагмент пояса Пане Каханку, знойдзеныя ў касцёле Божага Цела.

"Папаўняецца наша калекцыя толькі з пазабюджэтных сродкаў, мы як Луўр. Маецца на ўвазе, што на гэта зарабляем толькі на продажы квіткоў", — падкрэсліў Клімаў.

Усяго за 6 гадоў калекцыя Нясвіжскага замка папоўнілася на 30 тысяч прадметаў.

По теме

Прах Магдалены Радзівіл пахаваны ў Мінску: здейснілася яе апошняя воля
Рыхтуецца да выдання кніга пра род і лёс Магдалены Радзівіл
Беларускі брэнд адзення памыліўся з выявай Барбары Радзівіл
Пісьменнік Анатоль Бутэвіч: нам трэба легендызаваць сваю гісторыю
Тэги:
Нацыянальны гісторыка-культурны музей-запаведнік "Нясвіж", Сяргей Клімаў, Нясвіж, Беларусь
Правілы карыстанняКаментары

Галоўныя тэмы