У загінулага ў Баранавічах маёра засталося трое дзяцей

© Photo : Минобороны РБЗагінулы ваенны лётчык Андрэй Нічыпарчык
Загінулы ваенны лётчык Андрэй Нічыпарчык - Sputnik Беларусь, 1920, 19.05.2021
Падпісацца
Ваенны лётчык Андрэй Нічыпарчык пайшоў служыць у авіяцыю па слядах свайго бацькі, які стаяў ля заснавання пілатажнай групы "Белая Русь".
МІНСК, 19 тра - Sputnik. Андрэй Нічыпарчык заўсёды хацеў стаць лётчыкам, распавяла класны кіраўнік СШ №9 у Лідзе Антаніна Котава, перадае карэспандэнт Sputnik.
"Мяне ашаламіла гэтая навіна (крушэнне Як-130 пад Баранавічамі - Sputnik) і усё перамяшалася ў галаве. Я была ў яго класнай з 5 па 11 класы", - успамінае настаўніца.
Паводле яе слоў, "гэта было залатое дзіця і тое, што адбылося не ўкладваецца ў галаве. У 2005 годзе ён скончыў школу і паступіў у Ваенную акадэмію. Ён быў спартсменам і хацеў увесь час стаць лётчыкам".
Антаніна Котава распавяла, што, калі Андрэй Нічыпарчык ужо быў курсантам, мог у вольную хвіліну позна ўвечары патэлефанаваць і распытаць, як справы ў школе.
Загінулы пілот жыў у раёне Новы Паўднёвы ў Лідзе, а яго класны кіраўнік у суседнім раёне Стары Паўднёвы, таму яны часта бачыліся.
"Андрэй - шматдзетны бацька, у яго засталося трое дзяцей. Яго бацька Уладзімір ўсё жыццё пралятаў, і Андрэй пайшоў па яго слядах", - дадала класны кіраўнік.
Самалёт ЯК-130 Лідскай штурмавой базы пацярпеў крушэнне ў сераду днём у Баранавічах. Экіпаж выконваў планавы вучэбна-трэніровачны палёт, падчас якога заўважыў тэхнічную няспраўнасць.
Палёт выконвалі камандзір звяна вучэбна-баявой эскадрыллі 116-й штаб маёр Андрэй Нічыпарчык і лейтэнант Мікіта Куканенка.
Чытайце таксама:
Стужка навiн
0