23:08 15 верасня 2019
«Радыё Sputnik»
  • USD2.05
  • EUR2.28
  • 100 RUB3.19
Высечка дрэў у лесе, архіўнае фота

ЕС прызначыў Польшчы штраф за высечку дрэў у Белавежскай пушчы

© Pixabay
Прырода
Атрымаць кароткую спасылку
3420

Еўрапейскі суд вынес пастанову аб прызначэнні Польшчы штодзённага штрафу ў памеры 100 тысяч еўра на карысць Еўракамісіі за высечку Белавежскай пушчы. Аднак МЗС Польшчы не лічыць гэта канчатковым вердыктам.

МІНСК, 21 ліс — Sputnik. Польшча не лічыць вердыктам пастанову суда ЕС пра штраф за высечку Белавежскай пушчы, але пры гэтым не збіраецца ігнараваць яе, заявіў кіраўнік МЗС Польшчы Вітальд Вашчыкоўскі ў эфіры Польскага радыё.

"Польшча павінна неадкладна спыніць свае цяперашнія дзеянні па абыходжанні з ляснымі ўгоддзямі ў Белавежскай пушчы, акрамя выключных выпадкаў, калі гэта строга неабходна для забеспячэння грамадскай бяспекі", — гаворыцца ў пастанове. Калі Польшча парушыць забарону, то павінна будзе выплачваць штраф на карысць Еўракамісіі ў памеры 100 тысяч еўра ў дзень.

Кіраўнік МЗС Польшчы Вітальд Вашчыкоўскі пракаментаваў гэтае рашэнне: "Гэта пазіцыя суда, якую мы не збіраемся ігнараваць. Але гэта яшчэ не вердыкт". Ён таксама падкрэсліў, што польскі бок у дадзены момант вывучае і аналізуе пастанову суда.

Міністр навакольнага асяроддзя Польшчы Ян Шышко адзначыў, што краіна няўхільна выконвае заканадаўства Еўрасаюза, але дадзеная пастанова не з'яўляецца аўтаматычным накладаннем штрафных санкцый.

Урад Польшчы планаваў высечку каля 1,3 мільёна дрэў у Белавежскай пушчы, якія пацярпелі ад жука караеда-тыпографа. Эколагі настойвалі на натуральным абнаўленні леса і на тым, што экасістэма павінна сама справіцца са шкоднікам. Еўрапейскі суд прыслухаўся да актывістаў і Еўракамісіі, якая падала пазоў у суд, і абавязаў Польшчу спыніць высечку дрэў. Аднак Польшча працягвае настойваць, што высякаюцца толькі "пагражаючыя грамадскай бяспецы", а таксама "мёртвыя і аслабленыя" дрэвы.

Белавежская пушча ўяўляе сабой найбуйнейшы востраў першабытнага лесу ў Еўропе. На тэрыторыі Польшчы размешчаны Белавежскі нацыянальны парк, які ўключаны ў спіс сусветнай спадчыны ЮНЕСКА. Камітэт Сусветнай спадчыны ЮНЕСКА таксама заклікаў Польшчу спыніць высечку дрэў.

Тэги:
Беловежская пуща, ЕС, ЮНЕСКА, Вітальд Вашчыкоўскі, Польшча

Галоўныя тэмы