07:42 27 лютага 2021
«Радыё Sputnik»
  • USD2.61
  • EUR3.17
  • 100 RUB3.50
Прырода
Атрымаць кароткую спасылку
22 0 0

У сярэдзіне тыдня слупок тэрмометра можа дасягнуць плюсавых паказчыкаў - аднак захаваецца такая тэмпература нядоўга.

МІНСК, 16 лют – Sputnik. Тэмпература на гэтым тыдні застанецца досыць нізкай, аднак у сераду днём слупок тэрмометра можа падняцца вышэй за нуль, пра гэта паведамілі ў Белгідрамеце.

Уплываць на надвор'е ў краіне ў аўторак, 16 лютага, будзе вобласць павышанага атмасфернага ціску. Таму чакаецца воблачнасць з праясненнямі, без істотных ападкаў. Днём па паўночна-ўсходняй частцы краіны адаб'ецца ўплыў малаактыўнага франтальнага падзелу, пройдзе кароткачасовы снег.

На некаторых участках дарог - галалёдзіца. У ранішнія і вячэрнія гадзіны магчымы туман.

Ноччу тэмпература паветра складзе –17 … –23°С, а пры праясненнях яна панізіцца да –24 … –26°С. На захадзе рэспублікі пахаладае да 12 ... –16°С, а па ўсходзе да –11 ... –14°С. Атмасферны ціск будзе зніжацца.

У сераду 17 лютага умовы надвор'я ў Беларусі будуць вызначацца вобласцю павышанага атмасфернага ціску.

У паўднёва-заходніх і паўночна-ўсходніх раёнах рэспублікі пройдзе кароткачасовы снег. На асобных участках дарог захаваецца галалёдзіца. Па гэтай прычыне кіроўцам варта быць асабліва ўважлівымі на дарогах.

Тэмпература паветра ўначы складзе –10 ... –17°С, днём –3 … –10°С; па паўднёвым захадзе Беларусі - уначы –7 ... –9°С, днём –2 ... +1°С.

У чацвер 18 лютага надвор'е будзе пераважна без ападкаў, толькі ноччу месцамі па паўднёвым захадзе краіны пройдзе кароткачасовы снег.

Ноччу тэмпература паветра панізіцца да –16 ... –23°С, месцамі яна складзе –24 ... –25°С. Днём –7 ... –14°С, у паўднёва-заходніх раёнах - уначы –10 ... –15°С, днём –4 ... –6°С.

Нагадаем, што мінулы тыдзень быў складаным для жыхароў Беларусі - на тэрыторыю рэспублікі прыйшоў цыклон Volker, які прынёс з сабой вецер і снег. Месцамі вышыня выпаўшага снежнага покрыва складала больш за 40 сантыметраў, рух на дарогах быў запаволены.

Чытайце таксама:

Тэги:
Беларусь, мароз, снег, празноз надвор'я

Галоўныя тэмы