09:16 15 кастрычніка 2019
«Радыё Sputnik»
  • USD2.05
  • EUR2.26
  • 100 RUB3.19
  • 25 мая ў Смаргоні адбыўся фестываль-кірмаш Смаргонскія абаранкі.
  • У гэтым годзе на тэрыторыі гарадскога парку разгарнуўся цэлы Абаранкавы горад. Незвычайныя кампазіцыі з абаранкаў упрыгожылі алеі і гандлёвыя павільёны.
  • Наведвальнікі свята адстойвалі доўгія чэргі, каб пакаштаваць ласункі.
  • Смаргонь - радзіма абаранкаў, але сёння такую прадукцыю выпускаюць і іншыя прадпрыемствы харчовай прамысловасці.
  • Свежыя, духмяныя абаранкі гатавалі прама ў парку.
  • Упершыню госці свята атрымалі магчымасць прыняць удзел у выпечцы сапраўдных смаргонскіх абаранкаў.
  • Румяныя, яшчэ цёплыя абаранкі - як тут утрымацца і не з'есці?
  • Як сцвярджае шыльда, ніводнае свята не абыйдзецца без абаранкаў.
  • І сапраўды, салодкія абараначкі з макам і рознымі іншымі смачнымі дадаткамі адразу паляпшаюць настрой.
  • На вуліцы Мядзвежай можна было знайсці адмысловыя інсталяцыі.
  • Мядзведзі нагадвалі, што абаранкі смачна есці так, а можна намазаць іх маслам і дадаць мёду - тады ўвогуле язык праглынеш.
  • Народная мудрасць загадвае: на кірмашы весяліся ад душы!
  • На кірмашы прадавалі не толькі абаранкі, але і сувеніры, посуд і іншыя вырабы народнай творчасці. Гэта кампазіцыя з лялькі і лесавічкоў нагадвае Беласнежку і сем гномаў.
  • Абаранкі былі паўсюль - некаторыя нават упрыгожылі сабой дрэвы.
  • Кампазіцыі супернічалі адна з адной у крэатыўнасці - вось абаранкавыя калодзеж і жораў.
  • Маленькія кухары радавалі гасцей забіяцкімі танцамі і яркімі ўборамі.
  • Як жа не танцаваць, калі паўсюль грае музыка?
  • На кірмашы можна было паслухаць і народныя спевы.
  • А стаміўшыся танцаваць і спяваць, адбачыць у атачэнні абаранкаў.
  • Свята доўжылася да самага вечара, і галодным на ім не застаўся ніхто.
© Sputnik Альфрэд Мікус
25 мая ў Смаргоні адбыўся фестываль-кірмаш "Смаргонскія абаранкі".

Ці бачылі вы калі-небудзь самавар і калодзеж з абаранкаў? Калі не, паглядзіце фотастужку Sputnik са Смаргоні, дзе напярэдадні адбыўся абаранкавы фестываль.

Смаргонь называюць радзімай абаранкаў. Так гэта ці не, няхай спрачаюцца іншыя, але мы можам пераканаць: гэты горад - сталіца абаранкаў. 25 мая ў гарадскім парку разгарнуўся фестываль-кірмаш "Абаранкавы горад". Алеі парка ўпрыгожылі цікавыя інсталяцыі, цалкам зробленыя з абаранкаў. Смачны ласунак гатавалі прама ў парку, і кожны жадаючы мог прыняць удзел у выпечцы традыцыйнай стравы. 

З кожнага кутка парку было чуваць музыку і спевы. Запрошаныя калектывы забіяцкі танчылі, і да іх далучаліся госці фестывалю. Наведвальнікі парка былі гатовыя выстаяць велізарную чаргу, каб атрымаць смачны пачастунак. з макам, з мёдам - якіх толькі абаранкаў не было на свяце!

Побач разгарнуўся кірмаш майстроў, дзе можна было набыць сувенір на памяць пра свята і падзівіцца з шыкоўных вырабаў умельцаў. Як прайшоў фестываль у Смаргоні, глядзіце ў фотастужцы Sputnik.

Чытайце таксама: 

Тэги:
Смаргонь

Яшчэ фотастужкі

Галоўныя тэмы