01:23 24 ліпеня 2019
«Радыё Sputnik»
  • USD2.02
  • EUR2.26
  • 100 RUB3.20
Пасол Беларусі Уладзімір Сямашка

Сямашка: адносіны Беларусі і Расіі павінны выйсці на новы ўзровень

© Sputnik / Максим Блинов
Палітыка
Атрымаць кароткую спасылку
6 0 0

Мінску і Маскве трэба будзе ў бліжэйшы час прыняць важныя рашэнні ў галіне фарміравання адзінай эканамічнай прасторы, адзначыў пасол.

МІНСК, 28 чэр - Sputnik. Саюзныя адносіны Беларусі і Расіі павінны выйсці на новы ўзровень, такую заяву зрабіў пасол Беларусі ў РФ Уладзімір Сямашка падчас урачыстага прыёму ў гонар святкавання Дня Незалежнасці Беларусі.

"Мы разам паспяхова вырашаем пытанні забеспячэння ваеннай бяспекі, падтрымліваем адзін аднаго на міжнародных пляцоўках. У бліжэйшы час саюзныя адносіны павінны выйсці на якасна новы ўзровень", - цытуе РІА "Новости" пасла Беларусі.

Сямашка дадаў, што ў бліжэйшы час бакам трэба прыняць шэраг важных рашэнняў у сферы фарміравання адзінай эканамічнай прасторы, развіцця фінансава-крэдытнай, паліўна-энергетычнай і транспартнай сістэм.

Беларусь, паводле слоў пасла, мае намер працягваць прасоўваць неканфрантацыйны парадак дня на міжнароднай арэне. Краіна плануе заставацца гарантам бяспекі ў рэгіёне.

Са свайго боку намеснік кіраўніка МЗС Расіі Рыгор Карасін, які прысутнічаў на прыёме, дадаў, што Беларусь - надзейны саюзнік Расіі. Ён выказаў перакананасць у тым, што далейшае збліжэнне ў рамках Саюзнай дзяржавы адпавядае інтарэсам як Расіі, так і Беларусі.

Перш кіраўнік беларускага ўрада Сяргей Румас заяўляў, што бакі ўжо да лістапада павінны ўзгадніць усе інтэграцыйныя дарожныя карты па сектарах эканомікі.

Чытайце таксама:

Тэги:
Дзень Незалежнасці Рэспублікі Беларусь, Расія, Беларусь, Уладзімір Сямашка

Галоўныя тэмы