03:07 19 чэрвеня 2021
«Радыё Sputnik»
  • USD2.52
  • EUR3.00
  • 100 RUB3.49
Палітыка
Атрымаць кароткую спасылку
25 0 0

Напярэдадні прэзідэнт Міжнароднай федэрацыі хакея звярнуўся з просьбай вярнуць на ранейшае месца дзяржаўны сцяг Беларусі ці зняць сцягі IIHF.

МІНСК 25 тра - Sputnik. Мэр Рыгі Марцінс Стакіс паведаміў, што ўлады горада здымуць сцягі IIHF ў адказ на ліст Рэнэ Фазеля, пра гэта кіраўнік горада напісаў на сваёй старонцы ў Twitter.

Напярэдадні прэзідэнт IIHF Рэнэ Фазель распавёў, што накіраваў ліст мэру Рыгі з просьбай вярнуць дзяржаўны сцяг Беларусі на ранейшае месца, а акцыю па замене сцяга назваў непрымальнай.

Прэзідэнт Латвіі Эгілс Левітс ў перадачы "900 секунд" на тэлеканале TV3 заявіў, што замена сцяга Беларусі на стэндзе сцягоў краін-удзельніц чэмпіянату свету па хакеі ў Рызе - адэкватная палітычная рэакцыя і сігнал, што Латвія не прызнае кіруючы рэжым суседняй дзяржавы.

Замена сцяга

У панядзелак у Рызе, дзе цяпер праходзіць чэмпіянат свету па хакеі, афіцыйны сцяг Беларусі быў заменены на бел-чырвона-белы. Замену ўласнаручна правялі міністр замежных спраў Латвіі Эдгарс Рынкевічс і мэр Рыгі Марцінс  Стакіс.

В Риге повесили бело-красно-белый флаг на ЧМ по хоккею
© REUTERS / JANIS LAIZANS
У Рызе павесілі бел-чырвона-белы сцяг на ЧС па хакеі

Гэта выклікала рэакцыю ў адказ у Беларусі: пасла Латвіі выклікалі ў МЗС і запатрабавалі пакінуць краіну ўсіх супрацоўнікаў пасольства, пакінуўшы толькі аднаго тэхнічнага работніка для нагляду за будынкам.

Рэакцыя Беларусі

Міністр замежных спраў Беларусі Уладзімір Макей назваў інцыдэнт са сцягам "цынічным зневажаньнем ўсіх норм міжнароднага права, фактычна актам дзяржаўнага вандалізму".

"Паслу ўручана адпаведная нота пратэсту. Мы не можам пакінуць падобнага роду правакацыйныя дзеянні без адказу. Таму паслу прапанавана пакінуць Беларусь на працягу 48 гадзін, усяму дыпламатычнаму і адміністрацыйна-тэхнічнаму складу таксама прапанавана пакінуць Беларусь на працягу 48 гадзін і пакінуць тут аднаго адміністрацыйна-тэхнічнага супрацоўніка для догляду за будынкам", - падкрэсліў кіраўнік МЗС рэспублікі.

Пазіцыя Федэрацыі хакея Беларусі

У сувязі з інцыдэнтам Федэрацыя хакея Беларусі накіравала афіцыйную ноту на адрас прэзідэнта IIHF, аргкамітэта чэмпіянату свету ў Рызе і кіраўніцтва Федэрацыі хакея Латвіі.

Па словах кіраўніка ФХБ Дзмітрыя Баскава, замена дзяржаўнага сцяга Рэспублікі Беларусь ацэньваецца як акт глыбокай непавагі і беспрэцэдэнтнага ціску ў адносінах да спартсменаў, якія прадстаўляюць Беларусь на ЧС па хакеі - 2021.

"Мы глыбока абураны, што ў адсутнасць палітычнага інструментара прадстаўнікі замежных дзяржаў лічаць магчымым зрабіць спорт пляцоўкай палітычных разбіральніцтваў", - падкрэсліў Дзмітрый Баскаў.

Чытайце таксама:

Тэги:
Беларусь, IIHF, Рэнэ Фазель, сцяг, Рыга

Галоўныя тэмы