Прадмову Францыска Скарыны на розных мовах будуць чытаць у Гродна

© Sputnik / Артем Бордовский"Малая падарожная кніжка"
Малая падарожная кніжка - Sputnik Беларусь
Падпісацца
Пачуць слова Скарыны можна будзе на ўзбекскай, італьянскай, англійскай, французскай, вьетнамскай і іншых мовах. Таксама падчас імпрэзы будуць зачытвацца творы беларускіх аўтараў, прысвечаныя першадрукару.

МІНСК, 12 кра — Sputnik. У Гродна 13 красавіка ў абласной навуковай бібліятэцы імя Я. Карскага ў Новым замку пройдзе акцыя "Чытаем разам", паведамляе сайт Гродненскага аблвыканкама.

Мальдзіс лічыць кананізацыю Скарыны пытаннем часу - Sputnik Беларусь
Адам Мальдзіс: рана ці позна Скарына будзе кананізаваны

"Вядомыя гродзенцы, студэнты, вучні і ўсе жадаючыя змогуць дакрануцца да творчай спадчыны Скарыны", — гаворыцца ў паведамленні.

Прапанавана чытаць тэкст аўтарства Францыска Скарыны са збору бібліятэкі, які ўтрымлівае кнігу, што змяшчае вядомую прадмову да "Кнігі Юдзіф", перакладзеную на некалькі дзясяткаў моў свету.

Студэнты-замежнікі ГрДУ імя Янкі Купалы выступілі з ініцыятывай прачытаць знакамітыя радкі "Як звяры, што блукаюць у пушчы, ад нараджэння ведаюць сховы свае…" на замежных мовах.

Пачуць слова Скарыны можна будзе на ўзбекскай, італьянскай, англійскай, французскай, вьетнамскай і іншых мовах. Таксама падчас імпрэзы будуць зачытвацца творы беларускіх аўтараў, прысвечаныя першадрукару.

Стужка навiн
0