12:24 22 жніўня 2019
«Радыё Sputnik»
  • USD2.06
  • EUR2.28
  • 100 RUB3.11
Настаяцель прыхода храма святога Мікалая Японскага протаіерэй Павел Сярдзюк
© Sputnik Роман Шантар

Айцец Павел Сярдзюк: разнастайнасць традыцый ахоўвае нас ад ксенафобіі

Радыё
Атрымаць кароткую спасылку
4830

Настаяцель прыхода храма святога Мікалая Японскага протаіерэй Павел Сярдзюк распавёў, як праваслаўныя вернікі ў перыяд паста будуць сустракаць Новы год і як Царква ставіцца да разнастайнасці сучасных вераванняў і святкаванняў.

На святкаванне Новага года ў праваслаўных вернікаў прыходзіцца перыяд посту, які заканчваецца з надыходам Божага Нараджэння. Настаяцель прыхода храма святога Мікалая Японскага протаіерэй Павел Сярдзюк у эфіры тэлеканала РТР-Беларусь расказаў, як праходзіць святкаванне ў яго прыходзе.

"31 снежня на нашым прыходзе мы збіраемся, каб аддзячыць Госпаду Богу. Мы служым малебен за пражыты год, частуем адзін аднаго поснымі пачастункамі, і гэта заўсёды магчымасць сабрацца ў зносінах. І больш за тое, я як настаяцель трошкі карэктую і прапаную якую-небудзь мадэль паводзінаў, таму што сярод асяроддзя нашых вернікаў ёсць шмат людзей невацаркваваных, няверуючых, і гэта блізкія сваякі. І вядома, мы гаворым пра мір, і ў гэтым сэнсе ў нас усё нармальна", — распавёў святар.

Айцец Павел таксама пракаментаваў, як Праваслаўная царква ставіцца да сучасных маштабных калядных і навагодніх святкаванняў у адпаведнасці з самымі рознымі вераваннямі.

"Плюралізм на рынку рэлігійных перакананняў зараз найшырэйшы, але трэба сказаць, што хрысціянства ніколі не ўдзельнічала ў канкурэнтнай барацьбе. Свята Нараджэння Хрыстова — гэта прыход у свет выратавальніка. Гэта такі погляд зверху. Калі мы гаворым пра народныя традыцыі і звычаі, то гэта погляд з зямлі і спроба растлумачыць усё тое, што адбываецца вакол. І па вялікім рахунку, зусім няважна, якая дата", — адзначыў айцец Павел.

Разнастайнасць рэлігійных і культурных традыцый у Беларусі захоўвае наша грамадства ад ксенафобіі, падкрэсліў святар.

Фрагмент гутаркі з настаяцелем прыхода храма святога Мікалая Японскага протаіерэем Паўлам Сердзюкоў слухайце на радыё Sputnik Беларусь.

Тэги:
традиции, православный праздник, православие, БПЦ, Настаяцель праваслаўнага прыходу у гонар Святога Мікалая Японскага Павел Сярдзюк, Мінск, Беларусь

Галоўныя тэмы