МІНСК, 19 вер — Sputnik. Кампанія па імунізацыі насельніцтва супраць грыпу пачалася ў Беларусі, паведамілі Sputnik у Мінскім абласным цэнтры гігіены, эпідэміялогіі і грамадскага здароўя.
Вакцынацыя ад грыпу традыцыйна стартуе ў другой палове верасня і працягваецца да пачатку снежня. Летась вырашылі зрабіць прышчэпкі ад хваробы больш за 40% жыхароў краіны, што, па заявах медыкаў, дапамагло не дапусціць эпідэмій.
"У амбулаторна-паліклінічныя ўстановы паступілі першыя партыі супрацьгрыпознай вакцыны", — паведаміла ўрач-эпідэміёлаг аддзялення імунапрафілактыкі абласнога цэнтра Валерыя Пыж. Медыкі нагадалі: імунітэт пасля вакцынацыі супраць грыпу пачынае развівацца праз два-тры тыдні і абараняе ад грыпу амаль на год.
Паводле слоў спецыялістаў, грып звычайна ўзнікае ў любы час з лістапада па май, але часцей за ўсё прыпадае на студзень, люты або сакавік.
Значная частка насельніцтва мае права на бясплатныя прышчэпкі, а для астатніх яна каштуе зусім не шмат. Спецыялісты сцвярджаюць: калі прышчэпкі сабе будуць рабіць менш за 15% беларусаў, то ў рэспубліцы можа пачацца эпідэмія.
