00:38 17 лютага 2019
«Радыё Sputnik»
  • USD2.17
  • EUR2.44
  • 100 RUB3.25
Залікоўка, архіўнае фота

Мінскім студэнтам пераносяць сесію з-за Еўрапейскіх гульняў

© Sputnik / Виктор Толочко
Грамадства
Атрымаць кароткую спасылку
Беларусь рыхтуецца да Еўрапейскіх гульняў 2019 (46)
1410

Рашэнне пра перанос сесіі на месяц раней прымаюць самі ўніверсітэты - хтосьці ад такой меры адмовіўся, іншыя вырашылі праводзіць экзамены ў маі.

МІНСК, 5 лют - Sputnik. Студэнтам некаторых сталічных ВНУ пераносяць сесію з-за правядзення ў Мінску Еўрапейскіх гульняў, паведамляе Sputnik.

Мінск прыме II Еўрапейскія гульні з 21 чэрвеня па 30 чэрвеня 2019 года. У рамках падрыхтоўкі да стварэння "вёскі атлетаў" мяркуецца высяленне студэнтаў з шэрагу інтэрнатаў на праспекце Дзяржынскага ў Мінску - зрэшты, як абяцаюць чыноўнікі, усе навучэнцы будуць расселеныя і "ніхто на вуліцы не застанецца". Таксама будзе праведзена карэкціроўка і навучальнага працэсу.

Як паведамілі Sputnik студэнты Мінскага гарадскога лінгвістычнага ўніверсітэта (МДЛУ), дэканаты апавясцілі іх аб пераносе сесіі на месяц. Так, замест чэрвеня здаваць экзамены студэнты будуць у маі.

У той жа час, студэнты іншых ВНУ пакуль пра такія змены не паведамляюць. У раздзеле "Пытанне-адказ" на сайце Беларускага дзяржаўнага медыцынскага ўніверсітэта (БДМУ) паведамляецца, што пераносіць сесію не будуць - хіба што для тых, хто запісаўся ў валанцёры. Няма пакуль інфармацыі аб магчымым пераносе ў БДУІР, БНТУ, БДУ і іншых буйных універсітэтах рэспублікі.

Як высветліў Sputnik, кожнай ВНУ далі права самастойна прымаць рашэнне, ці неабходна скарачаць навучальны працэс да правядзення Еўрапейскіх гульняў. У Міністэрстве адукацыі гэтую інфармацыю Sputnik пацвердзілі - адміністрацыя ўніверсітэтаў вырашае гэтае пытанне самастойна.

Нагадаем, раней начальнік галоўнага ўпраўлення выхаваўчай работы і маладзёжнай палітыкі Мінадукацыі Эдуард Тамільчык паведаміў, што з-за правядзення Еўрапейскіх гульняў частка студэнтаў будзе праходзіць практыку ў сябе ў рэгіёнах, а для некаторых старшакурснікаў будзе скарэкціраваны адукацыйны працэс.

Аналагічным чынам "скараціць" семестры ВНУ маглі і перад Чэмпіянатам свету па хакеі ў 2014 годзе, аднак скарысталіся гэтым правам не ўсе ўніверсітэты.

Чытайце таксама:

Тэмы:
Беларусь рыхтуецца да Еўрапейскіх гульняў 2019 (46)
Тэги:
Мінск, студэнты, ВНУ, Еўрапейскія гульні

Галоўныя тэмы