13:33 15 красавіка 2021
«Радыё Sputnik»
  • USD2.61
  • EUR3.12
  • 100 RUB3.45
Грамадства
Атрымаць кароткую спасылку
Саюзная дзяржава Беларусі і Расіі (140)
29 0 0

Кошт ўваходзячых тэлефонных званкоў абанентаў паміж краінамі будзе вызначацца па адзіных тарыфах.

МІНСК, 8 кра - Sputnik. Мінск і Масква рыхтуюцца прайсці ўсе неабходныя працэдуры па адмене роўмінгу да 1 ліпеня 2021, паведамілі ў пасольстве Беларусі ў РФ РІА Навіны.

Перш чым аператары сувязі стануць выкарыстоўваць адзіную тарыфікацыю, міністэрствы і ведамствы пройдуць усе неабходныя ўнутраныя працэдуры. Затым Беларусь і Расія падпішуць міжурадавае пагадненне. Чакаецца, што ўсе дакументы будуць узгоднены да 1 ліпеня 2021 года. А з 1 студзеня 2022 года роўмінг плануецца поўнасцю адмяніць.

У тэставым рэжыме аператары Беларусі і Расіі з 1 лістапада 2020 года знізілі кошт інтэрканэкта з 30 да 1,5 цэнтаў за хвіліну. Такія меры далі магчымасць у шмат разоў знізіць кошт званкоў, як расійскіх мабільных кампаній у Беларусі, так і наадварот.

Напярэдадні прайшло пасяджэнне Групы высокага ўзроўню Савета Міністраў Саюзнай дзяржавы, па выніках якога дзяржсакратар Саюзнай дзяржавы Дзмітрый Мезенцаў распавёў, што краіны маюць намер працягнуць работу па адмене платы за роўмінг. Работа па гэтым пытанні вядзецца ўжо некалькі гадоў. Яе старт паклала падпісанне "Дарожнай карты па рэалізацыі рэзалюцыі Вышэйшага дзяржаўнага Савета Саюзнай дзяржавы ад 30 чэрвеня 2017 года". Таксама быў распрацаваны план па выяўленні і спыненні махлярства ў сетках аператараў сувязі.

Пазней намеры дзвюх краін былі зацверджаны міністрамі сувязі абедзвюх дзяржаў у снежні 2019 года. Згодна з пагадненням, плата за ўваходзячыя званкі ў роўмінгу ў Саюзнай дзяржаве павінна была быць адменена не пазней верасня 2020 года.

Чытайце таксама:

Тэмы:
Саюзная дзяржава Беларусі і Расіі (140)

Галоўныя тэмы