Гонка легенд: як праходзіць свята біятлону ў Раўбічах

© Sputnik / Виктор ТолочкоБанер "Гонкі легенд" у Раўбічах
Банер Гонкі легенд у Раўбічах - Sputnik Беларусь
Падпісацца
У БФБ папросяць гледачоў прыязджаць на спартыўнае свята крыху раней, каб пазбегнуць чэргаў на даглядзе.

18 лютага ў "Раўбічах" у трэці раз пройдзе грандыёзны фестываль "Гонка легенд" з удзелам зорак сусветнага біятлона.

Праграма Гонкі легенд

14:00-15:15 - майстар-клас для фіналістаў рэспубліканскіх спаборніцтваў сярод дзяцей і падлеткаў "Снежны снайпер", "Кубак Беларускай федэрацыі біятлону".

15:30-16:30 - аўтограф-сесія удзельнікаў зорак сусветнага біятлону, удзельнікаў гонкі, у спартыўнай зале РЦАП.

17:00-17:20 - афіцыйная цырымонія адкрыцця.

17:50-18:10 - жаночы мас-старт.

18:15-18:35 -мужчынскі мас-старт.

18:45-19:15 - змешаная эстафета.

19:30 - узнагароджанне пераможцаў і прызёраў "Гонкі легенд". Праводзіны Дар'і Домрачавай і Надзеі Скардзіна з вялікага спорту.

Што можна праносіць на Гонку легенд

Праваахоўныя органы ўзмоцняць меры бяспекі ў Раўбічах у сувязі з правядзеннем 18 лютага біятлоннага фестывалю "Гонка Легенд 2019", паведамілі Sputnik у Беларускай федэрацыі біятлону.

Гледачы ў Раўбічах - Sputnik Беларусь
Меры бяспекі ўзмоцняць у Раўбічах: аглядаць будуць два разы

"Уваход грамадзян на мерапрыемствы будзе ажыццяўляцца пасля праверкі іх ручной паклажы і асабістага агляду з выкарыстаннем тэхнічных сродкаў", - сказалі ў федэрацыі.

На спартыўнае свята не пусцяць асоб у стане алкагольнага ап'янення.

Арганізатары мерапрыемства папярэдзілі, што нельга праносіць, шкляную, металічную тару (за выключэннем тэрмасаў, аб'ёмам да 1 літра), спіртныя і слабаалкагольныя напоі, піратэхніку, грувасткую ручную паклажу.

Кантрольна-прапускныя пункты будуць арганізаваны на падыходах да месцаў правядзення спартыўных мерапрыемстваў.

"Гэта сусветная практыка, накіраваная на забеспячэнне бяспекі людзей, правядзенне мерапрыемстваў у нармальнай, спакойнай абстаноўцы", - сказалі ў федэрацыі.

Спробы распіваць спіртное, дробнае хуліганства, іншыя парушэнні грамадскага парадку будуць спыняць, парушальнікаў прыцягнуць да адміністрацыйнай адказнасці.

Гісторыя Гонкі легенд

Упершыню "Гонка легенд" была праведзена ў спартыўным комплексе "Раўбічы" у верасні 2015 года. Па запрашэнні трохразовай алімпійскай чэмпіёнкі Домрачавай у Беларусь прыехалі легендарныя страляючыя лыжнікі, якія ужо завяршылі спартыўную кар'еру. Тады ж было прынята рашэнне, што мерапрыемства стане штогадовым.

Раўбічы рыхтуюцца прыняць Гонку легенд - відэа - Sputnik Беларусь
Відэа
Раўбічы рыхтуюцца прыняць "Гонку легенд" - відэа

У верасні 2016 года ў спарткомплекс прыехалі амаль 40 біятланістаў, сярод якіх былі і тыя, хто ўдзельнічаў у папярэдняй Гонцы. Ідэйны натхняльнік спаборніцтваў, алімпійская чэмпіёнка Дар'я Домрачава тады не змагла выйсці на трасу - яна рыхтавалася стаць мамай.

У 2017-м біятлонны фестываль не праводзілі - Дар'я Домрачава ў складзе беларускай зборнай актыўна займалася падрыхтоўкай да зімовых Алімпійскіх гульняў у Пхенчхане (Паўднёвая Карэя).

25 чэрвеня 2018 года самая знакамітая беларуская спартсменка ў гісторыі зімовых Алімпійскіх гульняў абвясціла аб завяршэнні прафесійнай спартыўнай кар'еры. Тады было прынята рашэнне перанесці Гонку легенд з восені на люты 2019-га, каб сумясціць праводзіны Дар'і Домрачавай і яе сяброўкі па камандзе Надзеі Скардзіна з вялікага спорту са стартам Чэмпіянату Еўропы па біятлоне ў Раўбічах.

І вось, пасля двухгадовага перапынку легендарны спарткомплекс гатовы прыняць гасцей. Sputnik будзе весці анлайн-трансляцыю з Раўбіч, дзе праходзіць фестываль "Гонка легенд".

Стужка навiн
0