23:36 15 мая 2021
«Радыё Sputnik»
  • USD2.53
  • EUR3.06
  • 100 RUB3.41
Тэхналогіі
Атрымаць кароткую спасылку
12 0 0

Касмічны апарат "Возврат-МКА-Л" даставіць жывёл і іншыя біялагічныя аб'екты да спадарожніка Зямлі, а таксама правядзе шэраг даследаванняў.

МІНСК, 28 кра – Sputnik. Расійская дзяржаўная карпарацыя па касмічнай дзейнасці "Роскосмос" замовіла распрацоўку касмічнага апарата для адпраўкі жывёл да Месяца, такая інфармацыя размешчана на сайце дзяржзакупак.

Комплекс новага пакалення "Возврат-МКА-Л" будзе зваротным і будзе адпавядаць усім неабходным крытэрыям касмічных апаратаў.

"Возврат-МКА-Л" павінен будзе даставіць жывёл і іншыя біялагічныя аб'екты ў наваколле Месяца (кропка Лагранжа L1 - 315 тысяч кіламетраў ад Зямлі), а таксама правесці "медыка-біялагічныя даследаванні сумеснага ўплыву фактараў міжпланетнага палёту на жывыя арганізмы ў эксперыментах з жывёламі і іншымі біяаб’ектамі".

Плануецца, што неабходныя работы па комплексе правядуць да 15 лістапада 2022 года, а праектнае аблічча касмічнага апарата вызначаць праз год - да лістапада 2023 года. Тэрміны запуску "Возврат-МКА-Л" пакуль не паведамляюцца.

Раней у планах "Роскосмоса" былі біялагічныя спадарожнікі "Возврат-МКА" і "Бион-М".

Плануецца, што "Возврат" запусцяць пасля 2025 года. На вышыню да 200 тысяч кіламетраў адправяць мышэй. "Бион" жа ў 2023 годзе на вышыню 800 кіламетраў даставіць не толькі мышэй, але і паўзуноў, насякомых, а таксама расліны і мікраарганізмы.

Нагадаем, што ў кастрычніку 2021 года да Месяца стартуе расійская касмічная станцыя "Луна-25", каб сабраць інфармацыю аб грунце, пылу і газе.

Новая месяцовая праграма - першая ў гісторыі Расіі пасля даследаванняў, якія праходзілі ў СССР у 1976 годзе. На Паўднёвы полюс Месяца накіруюць станцыю, якая ў аўтаматычным рэжыме высадзіцца на поўнач ад кратэра Багуслаўскага. Яшчэ адна дадатковая пляцоўка прадугледжана на паўднёвы захад ад кратэра Манцыні.

Станцыя будзе бесперапынна працаваць на працягу аднаго года.

Следам за ёй у космас адправяць "Луну-26" - яна будзе вывучаць арбіту, а таксама "Луну-27" - яна будзе апрацоўваць інфармацыю аб сабраным на паверхні лёдзе і вуглякіслым газе.

Чытайце таксама:

Тэги:
Даследванні, Зямля, спадарожнік, Жывёлы, касмічны апарат, Расія, Месяц, карабель

Галоўныя тэмы