Падарожжы па калектарам небяспечныя: праіржавелыя прыступкі люкаў, магчымыя навалы метану, адсутнасць сотавай сувязі і, як вынік, немагчымасць звярнуцца да выратавальных службаў. Катэгарычна забаронена спускацца ў калектары нават пры нязначнай магчымасці дажджу. Але гэтыя цяжкасці не спыняюць ні дыгераў, ні фатографаў.Інфаграфіка "Дзе шукаць гістарычнае рэчышча і вытокі Нямігі" >>
Глядзіце ў фотастужцы Васіля Сямашкі і Ганны Івановай, што сёння адбываецца ў беларускай сталіцы пад зямлёй.
Падарожжы па калектарам небяспечныя: праіржавелыя прыступкі люкаў, магчымыя навалы метану, адсутнасць сотавай сувязі і, як вынік, немагчымасць звярнуцца да выратавальных службаў. Катэгарычна забаронена спускацца ў калектары нават пры нязначнай магчымасці дажджу. Але гэтыя цяжкасці не спыняюць ні дыгераў, ні фатографаў.
Паток вады тут даволі брудны. Улічваючы, што калектар у гэтым месцы праходзіць на невялікай глыбіні праз прыватны сектар, магчыма, у яго зробленыя незаконныя ўрэзкі бытавой каналізацыі.
Трубы-капіляры вулічных "ліўнёвак" злучаюцца з трубамі большага дыяметра, а тыя ў сваю чаргу – з магістральнымі калектарамі, несучы ў іх дажджавыя воды са значных тэрыторый горада.
Звычайна, каб не дзяўбці жалезабетонныя трубы магістральнага калектара, люкі робяць у адных месцах на стыках труб, часцей за ўсё на паваротах магістральнага калектара. Адлегласць паміж люкамі звычайна вар'іруецца ад некалькіх дзясяткаў да некалькіх соцень метраў.
У моцныя ліўні калектар запаўняецца вадой цалкам, пра гэта сведчаць рэшткі смецця пад столяй. Калі падчас залевы ўнізе апынецца чалавек, шанцаў выжыць у яго няма.
З-за пастаяннай высокай вільготнасці больш чым за 60 гадоў існавання калектара ў некаторых месцах клямары прыступкі з тоўстага металу прагнілі да стану пацярухі.
У раёне вул. К. Цэткін ў калектары былі заменены трубы на новыя дыяметрам 2 метры, у даўжыню яны ў 2-3 разы больш, чым трубы 1955 года. Гэтая частка калектара згортвае ад прыроднага рэчышча Нямігі, паступова апускаючыся на глыбіню каля 7 метраў. З-за моцнага ўхілу гэтая частка калектара вельмі чыстая.
Каб працягнуць падарожжа па калектару ў рэчышчы Нямігі, прыйшлося выбрацца на паверхню і ў некалькіх сотнях метраў спусціцца зноў. У пачатку гэтага ўчастка калектара старога рэчышча суха, толькі праз некалькі сотняў метраў з бакавой трубы сюды трапляе невялікі струмень вады.
Калектар пабудовы 1926 года праходзіць пад зачыненай зараз стаянкай аўтамабіляў ля гандлёвага дома "На Нямізе" і ў раёне Петрапаўлаўскай царквы, ён быў перакрыты з-за перасячэння другой лініяй метро.
