МІНСК, 25 сту — Sputnik. У Полацку рыхтуюцца да ўрачыстасцяў, якія запланаваны на 2-4 лютага. У гэтыя дні Полацк перайме эстафету маладзёжнай сталіцы, якой у мінулым годзе былі Баранавічы.
Рэспубліканскі конкурс па вызначэнні маладзёжнай сталіцы праводзіцца ў Беларусі ўсяго другі год. Яго ініцыятарам выступіла Міністэрства адукацыі, а ў сёлетнім адборы прынялі ўдзел адзінаццаць гарадоў.
Чаму вылучылі Полацк? Таму што менавіта гэты старажытны горад аказаўся і маладзёжным, у ім пражывае каля 25 тысяч моладзі — гэта чвэрць усяго насельніцтва. Палова маладых людзей — студэнты, у Полацку знаходзіцца некалькі факультэтаў Полацкага дзяржаўнага ўніверсітэта, а таксама накалькі каледжаў.
Абыйшоў Полацк прэтэндэнтаў і па іншых вызначаных напрамках, у прыватнасці, запланаваных на 2017 год маладёжных праектах і мерапрыемствах: 44 з іх і будуць стартаваць у гэтыя лютаўскія дні на пляцоўках горада.
Як паведаміла галоўны спецыяліст упраўлення ідэалагічнай работы, культуры і па справах моладзі Полацкага райвыканкама Аксана Грыб, асноўнае мерапрыемства, запланаванае на 3 лютага, — "Мы ў тэме — перазагрузка". Менавіта гэты праект, у якім задзейнічана 60 арганізацый горада, па словах Аксаны Грыб, і быў вызначальным у перамозе.
Як Маладзёжная сталіца Полацк на працягу года будзе пляцоўкай для рэспубліканскіх і міжнародных урачыстасцяў.
У мінулагодняй Маладзёжнай сталіцы Баранавічах летась прайшло 130 мерапрыемстваў.
