Вясна ідзе: днём 18 лютага ў Беларусі пацяплее да +5°С

МІНСК, 18 лют — Sputnik. Цёплае надвор'е чакаецца ў Беларусі ў суботу 18 лютага — днём слупкі тэрмометраў паднімуцца да адзнакі +5°С, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

Раней сіноптыкі прагназавалі, што істотных маразоў у рэспубліцы да канца каляндарнай зімы не будзе.

"Будзе воблачна з праясненнямі, пераважна без ападкаў, толькі па паўднёвым усходзе краіны невялікія кароткачасовыя ападкі — мокры снег і дождж", — сказалі ў Гідрамеце.

Там таксама паведамілі, што на дарогах месцамі захаваецца галалёдзіца. Паводле інфармацыі сіноптыкаў, максімальная тэмпература паветра складзе ад 0 да +5°С.

У Мінску, паводле звестак Гідрамета, без істотных ападкаў, а днём тэмпература складзе +1..+3°C.