МІНСК, 27 лют — Sputnik. Такі падарунак зрабіў беларускаму музею князь Мацей Мікалай Радзівіл, які прадставіў учора гасцям музея выставу "Радзівілы: лёсы краіны і роду", сфармаваную з яго калекцыі і калекцыі НММБ.
У экспазіцыю ўключана 99 экспанатаў з калекцыі Мацея Радзівіла, а таксама жывапісныя партрэты князёў Радзівілаў са збору Нацыянальнага мастацкага музея Беларусі, якія да 1939 года знаходзіліся ў Нясвіжскім замку.
У калекцыі Мацея Радзівіла прадметы, якія дасталіся ад сваякоў, набытыя ў знаёмых яму людзей, а таксама прадметы, набытыя на аўкцыёнах. Князь не думае, што ёсць небяспека набыць падробку, паколькі мастацкая каштоўнасць гэтых работ, часам, не вельмі высокая. Бо многія з партрэтаў — праца рамеснікаў, часта іх пісалі прадстаўнікі сям'і як падарунак.
Мацей Радзівіл распавёў таксама, што ў 2018 годзе плануе выдаць сямейны альбом, у якім будуць сабраныя партрэты Радзівілаў у суправаджэнні кароткімі біяграфічнымі звесткамі.
Сёння ў распараджэнні князя некалькі сотняў фатаграфій партрэтаў Радзівілаў з Беларусі, Украіны, Літвы. Ідзе збор здымкаў з музеяў Польшчы.
Экспазіцыя "Радзівілы: лёсы краіны і роду" будзе даступная гледачам па 16 красавіка.
