Навігатары для турыстаў на трох мовах з'явіліся ў цэнтры Гродна

© Flickr / Alexxx MalevГродна, Фарны касцёл
Гродна, Фарны касцёл - Sputnik Беларусь
Пазнаёміцца з гісторыяй помнікаў і вуліц Гродна зараз можна без дапамогі экскурсавода.

ГРОДНА, 2 сак — Sputnik, Вікторыя Салаўёва. У цэнтры Гродна ўсталявалі першыя інфармацыйныя шчыты, якія будуць дапамагаць турыстам без дапамогі гідаў знаходзіць гістарычныя разыначкі горада і даведвацца больш інфармацыі пра іх.

Відэафакт: удзельнікі гістарычных клубаў Польшчы з'ехаліся ў Гродна - Sputnik Беларусь
Відэа
Відэафакт: удзельнікі гістарычных клубаў Польшчы з'ехаліся ў Гродна

На працягу вясны гэтыя своеасаблівыя навігатары з'явяцца на асноўным турыстычным маршруце, вядучым ад чыгуначнага вакзала да замкавай гары.

Падказка для фантазіі

Інфармацыйныя шчыты выкананы на жалезнай ножцы, на іх размясцілі старыя фота помнікаў архітэктуры і кароткую даведку пра іх. Памер кожнай таблічкі — прыкладна 40 на 60 сантыметраў, вышыня ножкі ледзь больш за метр.

У першы дзень вясны ўсталявалі пяць такіх канструкцый — дзве на плошчы Савецкай, па адной каля ўваходу ў Стары і Новы замкі, каля пажарнай каланчы і на вуліцы Замкавай побач з музеем гісторыі рэлігіі.

© Sputnik / Андрей ВашкевичІнфармацыйны шчыт на вуліцы Замкавай, на ім - панарама вуліцы XIX стагоддзя, а яшчэ ён распавядае, дзе знаходзіцца самы стары жылы будынак у Гродна
Информационный щит на улице Замковой, на нем — панорама улицы XIX века, а еще он рассказывает, где находится самое старое жилое здание в Гродно - Sputnik Беларусь
Інфармацыйны шчыт на вуліцы Замкавай, на ім - панарама вуліцы XIX стагоддзя, а яшчэ ён распавядае, дзе знаходзіцца самы стары жылы будынак у Гродна

Напрыклад, на інфармацыйным шчыце, які з'явіўся на плошчы Савецкай насупраць Фарнага касцёла, можна не толькі ўбачыць, як у даўніну выглядаў рынкавы пляц, але і падрабязней даведацца аб чатырох славутасцях — аб былым кляштары езуітаў, пра дом купца Мураўёва, "Баторыеўку", убачыць дом, дзе размяшчалася гарадская карчма.

На міні-стэндзе каля кнігарні "Раніца" можна даведацца пра драмтэатр, Бернардзінскі касцёл, а таксама ўбачыць старадаўні здымак Кармеліцкага кляштара, у будынку якога зараз размяшчаецца банк. На пюпітры, устаноўленым каля Старога і Новага замкаў, гараджане і госці горада змогуць прачытаць пра абодва замкі.

Добрая ідэя заўсёды знойдзе падтрымку

"Мы імкнуліся сабраць самыя цікавыя факты пра гісторыю Гродна. Гэтыя інфармацыйныя шчыты патрэбныя не толькі для прыцягнення замежных бязвізавых турыстаў, але і для развіцця ўнутранага турызму. Думаю, што не толькі госці горада, але многія гараджане з задавальненнем будуць падыходзіць да іх і даведвацца нешта новае пра наш родны горад", — распавяла карэспандэнту Sputnik галоўны спецыяліст аддзела ідэалагічнай работы, культуры і па справах моладзі Гродзенскага гарвыканкама, гісторык Наталля Пасюта.

© Sputnik / Андрей ВашкевичГісторык Наталля Пасюта, якая разам з Віталём Карнялюком два месяцы збірала інфармацыю для плакатаў, адна з першых ацаніла працу
Историк Наталья Пасюта, которая вместе с Виталием Корнелюком два месяца собирала информацию для плакатов, одна из первых оценила работу - Sputnik Беларусь
Гісторык Наталля Пасюта, якая разам з Віталём Карнялюком два месяцы збірала інфармацыю для плакатаў, адна з першых ацаніла працу

Наталля Пасюта, гісторык Віталь Карнялюк і перакладчык Святлана Маразевіч апошнія два месяцы працуюць над інфармацыйным напаўненнем плакатаў для новых турыстычных стэндаў. Гэта першы вопыт стварэння падобнага прадукту.

Ірландскі трэвэл-блогер наведаў Беларусь без візы - Sputnik Беларусь
Відэа
Ірландскі трэвэл-блогер наведаў Беларусь без візы

Па словах Пасюты, шчыты ствараюцца пры падтрымцы Гродзенскага гарвыканкама. Стойкі ў выглядзе пюпітра вырабілі спецыялісты "Гарсвятла". Але многія работы робяцца практычна на добраахвотных пачатках. Напрыклад, кіраўнік гарадзенскай дызайн-студыі "Смык" Юрый Кубараў пагадзіўся дапамагчы распрацаваць і звярстаць плакаты. Ён жа прапанаваў на кожным плакаце размясціць міні-карту, дзякуючы якой турыст лёгка знойдзе названыя помнікі архітэктуры.

Многія гісторыкі згаджаюцца дапамагчы з кансультацыямі, каб у апісаннях не з'явіліся недакладнасці. Бо на інфармацыйных плакатах можа змясціцца ўсяго некалькі прапаноў, а распавесці трэба толькі самае галоўнае.

Тэкст на стэндах на трох мовах — беларускай, рускай і англійскай. Як тлумачыць Пасюта, такім чынам стваральнікі пастараліся паклапаціцца як пра заходніх турыстаў, якія не валодаюць рускай мовай, так і пра гасцей Гродна, якія аддаюць перавагу беларускай мове.

Спецыяльна выкарыстоўваюцца і старадаўнія здымкі — дзякуючы ім госці горада змогуць убачыць, як выглядаў Гродна 100-150 гадоў таму.

© Sputnik / Андрей ВашкевичСтойкі ў выглядзе пюпітра вырабілі спецыялісты "Гарсвятла"
Стенды выполнили и установили работники гродненского Горсвета - Sputnik Беларусь
Стойкі ў выглядзе пюпітра вырабілі спецыялісты "Гарсвятла"

Ад Дамініканскага манастыра да Старога лямуса

На працягу вясны плануецца ўсталяваць яшчэ дзесяць такіх канструкцый, якія будуць размяшчацца ў асноўных кропках галоўнага турыстычнага маршруту, які вядзе ад чыгуначнага вакзала праз парк Жылібера і плошчу Леніна да плошчы Савецкай і замкавай гары. Вядома, што два такія стэнда ўсталююць на вуліцы Савецкай (каля моладзевага цэнтра Гродна і на скрыжаванні з вуліцай Ажэшкі).

На іх турысты змогуць пачытаць пра Дамініканскі манастыр, аб былым рэстаране "Беласток", Палац віцэ-губернатара, будынак былога акруговага суда. У спісе славутасцяў — будынак былога архіва на плошчы Леніна, "крывая афіцына", Тэатр лялек, Стары лямус, самы стары ў Гродне дзеючы кінатэатр "Чырвоная зорка", будынак пошты, домік Элізы Ажэшкі, Кірха, будынак былой медыцынскай акадэміі, музей гісторыі Гарадніцы, чыгуначны вакзал і заапарк.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі