У жніўні мінулага года Міністэрства лясной гаспадаркі Беларусі анансавала стварэнне фільма, у якім распавядаецца пра працы па ліквідацыі наступстваў наймацнейшага ўрагану, які абрынуўся на Беларусь у ліпені 2016 года.
"Здымкі фільма вяліся дзесяць месяцаў. У яго ўвайшла і распрацоўка бураломаў, і асенне-вясновае лесааднаўленне пашкоджаных участкаў, і найцяжэйшыя ўмовы працы на цяжкадаступных дзялянках", — распавялі ў прэс-службе ведамства.
Раней Sputnik са спасылкай на Мінлясгас паведамляў, што больш за ўсё ад урагану пацярпела Мінскае ДВЛГА — там вецер паваліў лес на больш чым 11 тысячах гектараў. Сярод пацярпелых рэгіёнаў апынулася таксама Віцебшчына (Аршанскі і Талачынскі лясгасы) і Гомельская вобласць (Мазырскі лясгас).
