МІНСК, 13 сне — Sputnik. Польшча выканае рашэнне суда Еўрапейскага саюза, вынесенае па пытанні вырубкі Белавежскай пушчы, паведаміў прэм'ер-міністр краіны Матэўш Маравецкі.
Новы кіраўнік урада Польшчы выступіў у сойме з праграмнай прамовай, у якой, у прыватнасці, закрануў сітуацыю, якая склалася з польскай часткай рэліктавага лесу. Раней суд ЕС прыгразіў польскім уладам штрафам у 100 тысяч еўра за высечку дрэў у Белавежскай пушчы.
"Лясы — наша багацце, лепш за ўсіх пра яго клапоцяцца леснікі. Іх дзейнасць у Белавежскай пушчы праводзілася з мэтай аховы. Мы паважаем пастановы Еўрапейскага суда і паступім ў адпаведнасці з яго рашэннем", — заявіў Маравецкі.
Польшчы забаранілі весці санітарныя рубкі ў пушчы ў ліпені бягучага года пасля разгляду ў судзе ЕС пазову, пададзенага Еўракамісіяй. Дрэвы ў пушчы секлі ў рамках барацьбы з жуком-караедам, які наносіць істотную шкоду лясным угоддзям.
Белавежская пушча з'яўляецца найбуйнейшым першабытным лесам у Еўропе. На тэрыторыі Польшчы знаходзіцца Белавежскі нацыянальны парк, які ўключаны ў спіс Сусветнай спадчыны ЮНЕСКА, у Беларусі — нацпарк "Белавежская пушча".
Польшча хоча выключыць Белавежскую пушчу з прыроднай спадчыны ЮНЕСКА >>
