Музыка Піліп Беспамылковы падрыхтаваў да навагодніх святаў новы кліп. У кампазіцыі "Дзед Мароз існуе" былы беларускі футбаліст Юры Юрчанка зняўся ў касцюме таго самага казачнага Дзеда.
Беспамылковы запэўнівае слухачоў, што "Дзед Мароз існуе" і "яго мех не пусты" і заклікае іх абавязкова пісаць лісты.
Музыка не быў бы сабой, калі б не высмеяў у новай кампазіцыі заганы сучаснага грамадства. На гэты раз у прыцэл Беспамылковага патрапілі людзі, якія патрабуюць у казачнага персанажа дарагіх падарункаў і забываюцца на галоўныя жыццёвыя каштоўнасці.
Новы кліп атрымаўся не такім гумарыстычным, як былыя відэа Беспамылковага, у якіх ён паказваў любоў беларусаў да бульбы, заклікаў спаліць тлушч і распавядаў пра наркатычнае ўздзеянне роднай мовы на чалавека. Усяго на рахунку маладога музыкі шэсць кампазіцый.
Глядзіце таксама:
- "Беларусь, не Белоруссия": Піліп Беспамылковы зняў новы кліп
- "Не забывай свой калгас": Беспамылковы ў новым кліпе прарэкламаваў вёску
- Цёпла і ўтульна: Вайцюшкевіч і РСП прэзентавалі трэк у стылі сальсы
