Кушлянскі фэст не ў першыню праводзіцца ў музеі-сядзібе Францішка Багушэвіча. Вельмі сімвалічна, што і ў 2019 годзе, які аб'яўлены ў Беларусі Годам малой радзімы, Дзяржаўны музей беларускай літаратуры прадоўжыў традыцыю і сабраў разам аматараў беларускай культуры.
Падчас фэсту прайшлі майстар-класы па выцінанке і вырабе народных лялек, найбольш цікаўныя госці змаглі паўдзельнічаць у квэсце і абсалютна ўсіх чакаў смачны пачастунак, добрая музыка і забіяцкія танцы.
Музыкі зладзілі сапраўдны "Дударскі батл", а дзяўчыны і хлопцы ў прыгожых народных строях танчылі пад музыку. Са свята можна было прывезці сувенір, зроблены рукамі беларускіх рамеснікаў, і, зразумела, выдатны настрой.
Як весяліліся ў сядзібе, глядзіце ў фотастужцы.
Чытайце таксама:
- У Азярцы спяваюць і кахаюць: яркія фота з фестывалю "Купальскае кола-2019"
- Жывы агонь і палымяныя танцы: як прайшло "Свята Сонца - 2019"
1/21
© Sputnik / Альфрэд Мікус
Кушлянскі фэст прайшоў у музее-сядзібе Францішка Багушэвіча 29 чэрвеня.
2/21
© Sputnik / Альфрэд Мікус
Гэта не першы фэст, які праводзіць Дзяржаўны музей гісторыі беларускай літаратуры.
3/21
© Sputnik / Альфрэд Мікус
Лозунг "Кушлянскага фэсту – 2019" гучыць як "Усім будзе чутна: ад краю да краю!", а калі падзяліцца фота ў сацсетках - яшчэ і бачна.
4/21
© Sputnik / Альфрэд Мікус
На фэсце працаваў невялікі кірмаш рамеснікаў.
5/21
© Sputnik / Альфрэд Мікус
Можна было навучыцца рабіць традыцыйную беларускую выцінанку.
6/21
© Sputnik / Альфрэд Мікус
З дапамогай ручнога ткацтва можна рабіць паясы дзе заўгодна.
7/21
© Sputnik / Альфрэд Мікус
Трэба толькі замацаваць ніткі, з якіх сплятаецца пояс.
8/21
© Sputnik / Альфрэд Мікус
На фэсце можна было падсілкавацца рознымі прысмакамі.
9/21
© Sputnik / Альфрэд Мікус
Надвор'е выдалася добрае, таму адпачыць на прыродзе паехалі шмат аматараў беларускай музыкі і танцаў.
10/21
© Sputnik / Альфрэд Мікус
На фэсце таксама прайшоў сапраўдны "Дударскі батл".
11/21
© Sputnik / Альфрэд Мікус
Як пад гукі музыкі не пусціцца ў скокі!
12/21
© Sputnik / Альфрэд Мікус
За музыкамі і танцорамі прыемна назіраць.
13/21
© Sputnik / Альфрэд Мікус
Званы таксама ствараюць выдатную музыку, якую чуваць вельмі далёка. У даўніну лічылі, што званы могуць адпудзіць нячысцікаў ад сяла.
14/21
© Sputnik / Альфрэд Мікус
Традыцыйныя беларускія спевы таксама прагучалі на фестывалі.
15/21
© Sputnik / Альфрэд Мікус
Шмат хто з удзельнікаў свята прыехаў у народных уборах.
16/21
© Sputnik / Альфрэд Мікус
Маладыя паненкі з задавальненнем пазіравалі каля сядзібы.
17/21
© Sputnik / Альфрэд Мікус
Забіяцкія народныя танцы, дарэчы, вельмі простыя - далучыцца да карагода або паспрабаваць станцаваць у пары можа нават той, хто ніколі не танцаваў.
18/21
© Sputnik / Альфрэд Мікус
Калі хлопцаў няма, даводзіцца танцаваць і з сяброўкамі.
19/21
© Sputnik / Альфрэд Мікус
Падчас фестывалю наведвальнікаў чакалі розныя цікавыя квэсты і забаўкі.
20/21
© Sputnik / Альфрэд Мікус
На фэсце выступіла Кацярына Ваданосава.
21/21
© Sputnik / Альфрэд Мікус
Свята скончылася а пятай гадзіне вечара, яно атрымалася сапраўды ўтульным і душэўным.
