https://bel.sputnik.by/20190803/Amulet-kamennaga-stagoddzya-znayshl-arkheolag-na-ponachy-Belarus-1042288945.html

Амулет каменнага веку знайшлі археолагі на поўначы Беларусі

Амулет каменнага веку знайшлі археолагі на поўначы Беларусі

Sputnik Беларусь

Помнік археалогіі Асавец працягвае падносіць сюрпрызы беларускім навукоўцам. Рытуальны артэфакт з каменнага веку, знойдзены ў гэтым годзе, апынуўся часткай... 03.08.2019, Sputnik Беларусь

2019-08-03T13:08+0300

2019-08-03T13:08+0300

2019-08-15T09:43+0300

спадчына

у беларусі

навіны

беларусь

археалагічныя знаходкі

беларуская археалогія: самыя цікавыя знаходкі

https://cdnn11.img.sputnik.by/img/104228/81/1042288129_0:116:1193:791_1920x0_80_0_0_82215d53bda5890abb2ee8f5fcbeb495.jpg

Зараз гісторыкам вядома ўсяго дзве падобныя знаходкі, датаваныя сярэдзінай ІІІ тысячагоддзя да нашай эры. Падобныя фігуркі вужоў пакрываліся арнаментам і маглі прышывацца да адзення.У мінулыя гады ў час археалагічных экспедыцый у Бешанковіцкім раёне ўжо знаходзілі такія прадметы, зробленыя з косткі, як лыжку, флейту, падвескі і галаву вужа. Што знайшлі археолагі ў гэты раз, высвятляў карэспандэнт Sputnik Станіслаў Андросік.Асаблівы рытуал"У мінулым годзе мы знайшлі галаву вужа, а зараз на ўчастку паміж новым і старым раскопам фактычна ў 15-20 сантыметрах выявілі другую частку вужакі. Падвеска ў выглядзе вужа была спецыяльна зламаная", - распавёў загадчык сектара неаліту і бронзавага веку Інстытута гісторыі НАН Беларусі Максім Чарняўскі.Падвеска ў выглядзе вужа была зламаная ў тым самым месцы, дзе яна прышывалася да адзення і фактычна кінута пад ногі. Беларускі археолаг адзначыў, што гэта рытуальнае ламанне прадмета.Усё гэта сведчыць аб тым, што ў людзей, якія засялялі поўнач Беларусі ў сярэдзіне ІІІ тысячагоддзя да нашай эры, былі пэўныя татэмныя або анімалістычныя (шанаванне жывёл - Sputnik) вераванні.Максім Чарняўскі плануе злучыць дзве часткі вужа, які быў зроблены з трубчастай косткі буйной рагатай жывёлы. Самі па сабе такія рэчы не былі мастацкімі вырабамі, а менавіта культавымі. Такіх вужоў насілі ў якасці амулетаў, што цікава, вужы і цяпер займаюць асаблівае месца ў традыцыйнай культуры беларусаў.Унікальныя артэфакты для ўсяго рэгіёнуПа словах археолага, у ходзе раскопак атрымалася знайсці фрагмент падобнай да ключа падвескі, якая таксама выканана з косткі і датуецца сярэдзінай ІІІ тысячагоддзя да нашай эры. Атрымліваецца, што вужу і падвесцы больш за чатыры тысячы гадоў."Арыгіналы такіх падвесак зробленых з бурштыну знаходзілі ў Балтыі. У Беларусі з бурштыну такіх падвесак пакуль не знаходзілі. Замест іх ідуць лакальныя копіі, выкананыя з косткі", - распавёў гісторык.Унікальнасць беларускіх падвесак заключаецца ў тым, што яны былі свайго роду салярнымі знакамі (прысвечанымі сонцу - Sputnik) і арнамент, які іх упрыгожвае, яшчэ ніколі не паўтараўся.Знойдзеныя ў Асаўцы сёлета фрагменты вырабаў з бурштыну і костак жывёл адносяцца да паўночна-беларускай археалагічнай культуры, якая адносіцца да плямёнаў позняга неаліту і ранняга бронзавага веку.Два вужа на ўсю краінуЦікава, што касцянога вужа з каменнага стагоддзя ўжо знаходзілі ў Беларусі. У 80-ыя гады цэлы амулет быў знойдзены Максімам Чарняўскім і таксама на тэрыторыі археалагічнага помніка Асавец. Фактычна месца, дзе былі знойдзены ўнікальныя амулеты, паміж сабой падзяляе каля сямі метраў.Амулет, у выглядзе галавы вужа, якому ўжо 4,5 тысячы гадоў "Гэта досыць унікальныя знаходкі, зробленыя ў адной частцы паселішча. Пры гэтым знаходкі ўнікальныя не проста для Беларусі, але і для ўсёй Цэнтральнай і Усходняй Еўропы", - лічыць беларускі археолаг.Касцяныя зоаморфныя фігуркі (вырабы ў выглядзе жывёл - Sputnik) у нашым рэгіёне можна пералічыць па пальцах - гэта адзінкавыя артэфакты.

https://bel.sputnik.by/20190706/Na-ponachy-Belarus-znayshl-kostk-chalaveka-epokh-nealtu-1041924272.html

https://bel.sputnik.by/20190725/Slavyane-rodam-z-Palessya-Teoryya-mozha-patsverdztstsa-1042170723.html

беларусь

2019

Навіны

ru_BY

спадчына, у беларусі, навіны , беларусь, археалагічныя знаходкі, беларуская археалогія: самыя цікавыя знаходкі