https://bel.sputnik.by/20190829/orekhovyj-spas-narodnye-tradicii-recepty-1037219552.html

Праваслаўныя сустракаюць Арэхавы Спас

Праваслаўныя сустракаюць Арэхавы Спас

Sputnik Беларусь

Этнограф Ларыса Мятлеўская распавядае, што такое "генеральнае арэхаванне" і вучыць рабіць арэхавыя прысмакі. 29.08.2019, Sputnik Беларусь

2019-08-29T08:52+0300

2019-08-29T08:52+0300

2019-08-29T09:01+0300

спадчына

у беларусі

галоўнае

беларусь

ларыса мятлеўская

беларуская кухня

народныя традыцыі

https://cdnn11.img.sputnik.by/img/103721/79/1037217900_0:189:1921:1269_1920x0_80_0_0_c7f8ae13a9d40cd3aa1cfba95efb028e.jpg

Амаль палову жніўня святкуюць старажытнае земляробчае свята Іспас, звязанае з выспяваннем пладоў. Па народным календары ўжо адзначылі Першы або "Мядовы" і Другі або "Яблычны" Спасы. Зараз надыйшоў час Малога Спаса, які яшчэ мае назвы "Хлебнага" ці "Арэхавага".  Гэтай парой у лесе выспяаюць арэхі. Невялікую іх частку разам з боханам хлеба абавязкова асвячаюць у царкве.Сімвал плоцкага кахання і пладавітасціЗгодна з міфалагічнымі ўяўленнямі беларусаў, арэх або ляшчына — свяшчэннае дрэва.  Па павер'ях, у яго ніколі не б'е маланка, таму менавіта пад арэшнікам нашы продкі хаваліся падчас навальніцы.Маладыя парасткі ляшчыны звычайна затыкалі за пояс як абярэг, здольны адганяць нячыстую сілу, змей і нават хмары.Ляшчына Моцны, гнуткі арэхавы куст, які дае адразу шмат пладоў лічыўся сімвалам плоцкага кахання і пладавітасці. Каб мець першым сына, маладая клала пад ложак менавіта арэхі.Па здвоеных арэхах, якія ў народзе называюц спарышамі, дзяўчаты варажылі аб замужжы.  Калі першым падчас збору арэхаў трапляўся спарыш, у якім абодва арэхі былі з паўнаважнымі ядрамі, гэта абацала дзяўчыне быць ў моцнай пары.Адмысловыя прыкметы былі звязаны і з цвіценнем ляшчыны. Нашы продкі лічылі, што цвіце яна толькі ўначы на Звеставанне ці ў чысты чацвер. Казалі, што той, хто сарве і захавае першую кветку, хутчэй знойдзе скарб у купальскую ноч.Арэхавае свята на стравы багатаУ метэаралагічным кодзе арэху адпавядае вецер. Паводле народных прыкметаў, калі на Раство або Новы год будзе вецер са снегам, варта чакаць вялікага ўраджаю арэхаў.Лясныя арэхі здаўна былі адным з улюбёных ласункаў беларусаў. Імі не толькі ласаваліся, але і выкарыстоўвалі ў якасці грошай.Яблык, арэхі і гарбата Самым распаўсюджаным на Беларусі арэхам лічыцца ляшчына. На пачатку ХХ стагоддзя на Палессі, сярод вясковага насельніцтва існаваў нават цікавы звычай — дзень агульнага збору арэхаў, які называўся "генеральнае арэхаванне". У сярэдзіне жніўня сяляне цэлымі сем'ямі ішлі ў лес па арэхі.  Хадзіць у лес паасобку па гэтай важнай справе асцерагаліся, бо тых, хто збірае недаспелыя арэхі, чакала пакаранне.Найлепшымі па якасцях лічыліся арэхі, сабраныя падчас агульнага арэхавання. Пасля гэтага надыходзіў час рабіць вядомы ласунак — "арэхі ў мёдзе".  Ласунак захоўвалі ў слоіках і даставалі аддуль па патрэбе.Арэхі ў мёдзеІнгрыдыенты:Як гатаваць:Ядры свежых арэхаў трэба растаўчы і ачысціць ад тонкай верхняй скуркі, а пасля высушыць у негарачай печ або духоўцы амаль да крохкасці.Гатовя арэхі неабходна змяшаць з падрумяненым мёдам і добра перамяшаць. Маса павінна атрымацца густой. Каб вызначыць, ці гатовы мёд, яго, як падчас варкі варэння, наліваюць на сподачак. Калі ахалоджаны мёд хутка гусцее, то масу трэба здымаць з агню.Бортны мёд Пакуль арэхі гарачыя, іх бяруць з патэльні лыжкай, і крыху пачакаўшы, рукамі раскладваюць на чысты металічны паднос.Калі рэхі з мёдам засохнуць, іх складваюць у слоікі.Арэхавы тортІнгрыдыенты:Як гатаваць:Лушчаныя лясныя арэхі неабходна патаўчы разам з цукрам, дадаць 10 узбітых бялкоў і добра ўсё змяшаць. Масу раздзяліць на тры часткі, выкласці ўсё у круглую форму і запекчы.Калі каржы будуць гатовыя, змазаць іх мармеладам або варэннем і пакласці адзін на аднаго, затым абліць глазурай і падсушыць у духоўцы.

беларусь

2019

Навіны

ru_BY

спадчына, у беларусі, галоўнае, беларусь, ларыса мятлеўская, беларуская кухня, народныя традыцыі