Генпракурор Швед аб удзеле студэнтаў у пратэстах: не трэба ламаць сабе жыццё

© Sputnik / Виктор ТолочкоСтудэнты на акцыі пратэсту
Студэнты на акцыі пратэсту - Sputnik Беларусь
Па словах кіраўніка нагляднага ведамства, з ВНУ могуць адлічыць за суткі адміністрацыйнага арышту, прызначаныя судом.

МІНСК, 23 кас - Sputnik. Генеральны пракурор Беларусі Андрэй Швед папярэдзіў беларускіх студэнтаў аб адказнасці за ўдзел у несанкцыянаваных акцыях, паведамілі ў наглядным ведамстве.

Студэнты падчас акцыі пратэсту - Sputnik Беларусь
За прагулы адкажуць: у Беларусі змянілі парадак выплаты стыпендый

Андрэй Швед правёў сустрэчу са студэнтамі і прадстаўнікамі працоўнага калектыву Беларускага дзяржаўнага ўніверсітэта інфарматыкі і радыёэлектронікі (БДУІР), у час якой адказаў на пытанні, размова таксама ішла аб удзеле студэнтаў у пратэстных акцыях.

"Не трэба ламаць сабе жыццё, паддаючыся на правакацыі тых, хто бессаромна выкарыстоўвае людзей. Вам і нам у гэтай краіне жыць. Мы прызвычаіліся да таго, што яна чыстая, мірная, бяспечная. Прызвычаіліся як да дадзенасці. Перад вамі ўсё жыццё. І трэба разумець, што, паддаўшыся маніпулятарам, можна зламаць яго адным неабдуманым крокам", - заявіў генеральны пракурор, звяртаючыся да аўдыторыі аднаго з найбуйнейшых беларускіх ВНУ.

Засталіся адзінкі?

Швед акцэнтаваў увагу на няўхільнасці наступлення адказнасці за супрацьпраўныя дзеянні. У сувязі з гэтым ён падкрэсліў, што дзяржава мае дастатковыя рэсурсамі для выяўлення ўсіх парушальнікаў закону.

Разам з тым ён адзначыў, што актыўнасць беларускіх студэнтаў у вулічных пратэстных акцыях прыкметна знізілася ў параўнанні з першымі тыднямі пасля прэзідэнцкіх выбараў. Па словах генпракурора, сёння размова ідзе ўжо пра адзінкавыя факты ўдзелу студэнтаў у вулічных акцыях.

За суткі на Акрэсціне могуць адлічыць?

Нягледзячы на гэта, Швед растлумачыў, што могуць рушыць услед адлічэнні за пропускі, звязаныя з пратэстнай актыўнасцю.

"Прычынай для адлічэння можа стаць пэўная колькасць пропускаў заняткаў па непаважлівых прычынах. Адміністрацыйны арышт, які студэнт адбывае па рашэнні суда, не з'яўляецца паважнай прычынай для пропуску заняткаў. Магу параіць узважваць свае ўчынкі і цвяроза ацэньваць іх магчымыя наступствы", - адзначыў генеральны пракурор.

Патрэбныя нестандартныя падыходы?

Сваю пазіцыю па дадзенай праблематыцы агучыў рэктар БДУІР Вадзім Богуш: "Зараз мы апынуліся ў сітуацыі, якая патрабуе часта нестандартных падыходаў. Таму вельмі важна забяспечыць магчымасць шматвектарнага аналізу інфармацыі, які дазваляе прыняць узважаныя рашэнні для канструктыўнага ўзаемадзеяння ўсіх слаёў грамадства".

Студенческие протесты в Минске длились больше пяти часов - видео - Sputnik Беларусь
Відэа
Студэнцкія пратэсты ў Мінску доўжыліся больш за пяць гадзін – відэа

Рэктар універсітэта адзначыў гатоўнасць студэнцкага актыва і выкладчыкаў ВНУ ўдзельнічаць у актуальнай нарматворчай дзейнасці.

Студэнты і супрацоўнікі БДУІР цікавіліся ў генпракурора аб тым, як прыняць удзел у распрацоўцы законаў, у тым ліку, якія тычацца праходжання вайсковай службы навуковымі супрацоўнікамі. Таксама гаворка ішла аб карэкціроўцы выбарчай сістэмы, перспектывах развіцця шматпартыйнасці ў Беларусі.

Масавыя акцыі пратэсту ў Беларусі пачаліся 9 жніўня пасля выбараў прэзідэнта, на якіх, паводле звестак ЦВК, перамог Аляксандр Лукашэнка, набраўшы больш за 80% галасоў. У дзень выбараў у краіне пачаліся акцыі пратэсту нязгодных з вынікамі выбараў, якія доўжацца да гэтага часу. Пратэстоўцаў з ужываннем сілы не раз разганялі сілавікі.

У кастрычніку начальнік ГУУС Мінгарвыканкама Іван Кубракоў заявіў, што вялікую частку дэманстрантаў у Беларусі, якія выходзяць на пратэстныя акцыі, складае моладзь.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі