МІНСК, 14 сту – Sputnik. Віцэ-прэм'ер РФ Аляксандр Новак і пасол Расіі ў Беларусі Дзмітрый Мезенцаў абмеркавалі энергетычную інтэграцыю дзвюх краін, паведамляецца на сайце ўрада Расіі.
Сустрэча адбылася ў сераду, 13 студзеня, у Маскве.
"Падчас сустрэчы гаворка ішла пра актуальныя пытанні двухбаковага ўзаемадзеяння паміж Расійскай Федэрацыяй і Рэспублікай Беларусь у энергетычнай сферы, у прыватнасці, былі закрануты пытанні працягу інтэграцыйнай работы ў 2021 годзе", - гаворыцца ў паведамленні.
Беларусь у снежні дамовілася з Расіяй аб пастаўках нафты і газу на 2021 год. Паводле слоў беларускага прэм'ера Рамана Галоўчанкі, Мінск дамовіўся на выгадных для сябе ўмовах. Бакі, у прыватнасці, дамовіліся аб цане на расійскі прыродны газ для Беларусі на 2021 год, яна складзе 128,5 долараў за тысячу кубаметраў.
Чытайце таксама:
- Мезенцаў даў пазітыўны прагноз на перакідку беларускага экспарту
- Беларусь дамовілася з РФ аб пастаўках нафты і газу на выгадных умовах
- Вельмі складаны год: пасол Расіі ў Беларусі падвёў вынікі 2020-га
