МІНСК, 18 сту – Sputnik. Праграма павелічэння электраспажывання насельніцтвам зацверджана ў Беларусі, паведамілі ў прэс-службе міністэрства энергетыкі рэспублікі. Яна разлічана да 2025 года.
"Яе рэалізацыя павысіць даступнасць выкарыстання электрычнай энергіі для ацяплення і гарачага водазабеспячэння як у існуючым жыллёвым фондзе, так і пры будаўніцтве новага электрыфікаванага жылля", - адзначылі ў ведамстве.
У Мінэнерга прагназуюць, што да канца пяцігодкі электраспажыванне насельніцтвам у краіне сумарна павялічыцца да 900 мільёнаў кілават-гадзін. Раней Аляксандр Лукашэнка заяўляў, што з пачаткам працы БелАЭС у краіне будуць рабіць упор на электрычнасць ва ўсіх сферах.
Не адразу будавалася
Беларуская АЭС - самы маштабны расійска-беларускі праект за ўсю гісторыю адносін. Генпадрадчык будаўніцтва - "Атамбудэкспарт" (уваходзіць у "Расатам"). Праект АЭС таксама расійскі з рэактарнай устаноўкай ВВЭР-1200 пакалення 3+. Гэта адпавядае ўсім самым высокім патрабаванням МАГАТЭ.
Фізічны пуск першага энергаблока адбыўся 20 жніўня, а 3 лістапада яго ўключылі ў энергасістэму краіны. Афіцыйная цырымонія запуску станцыі прайшла 7 лістапада, у ёй прыняў удзел Аляксандр Лукашэнка. Ён тады заявіў, што краіне патрэбна яшчэ адна станцыя.
Турбіна першага блока Астравецкай АЭС спынілася 8 лістапада, менш, чым праз тыдзень пасля яго ўключэння ў энергасістэму. Як паведамлялі спецыялісты, выйшлі з ладу трансфарматары напругі. І запэўнілі, што на этапе пуску рэактара паломкі гэта нармальная сітуацыя.
Пасля таго, як няспраўнае абсталяванне замянілі і выпрабавалі, першы энергаблок зноў уключылі ў сетку. Рэактар станцыі зарабіў на 50% сваёй магутнасці 21 снежня, на 100%-ю магутнасць выведзены 12 студзеня.
Нагадаем, першы блок Беларускай АЭС увядуць у прамысловую эксплуатацыю ў першым квартале 2021, а другі - ў 2022 годзе.
Чытайце таксама:
- У Беларусі ўстанавілі тарыфы на "атамную" электрычнасць
- Першы рэактар БелАЭС зноў запушчаны
- Беларусь з другой АЭС будзе купляць у Расіі ў 2 разы менш газу
