МІНСК, 28 сту – Sputnik. Рост цэн на блакітнае паліва ў Еўропе адбіў жаданне ў беларускага боку успамінаць аб спотавых рынках, сказаў у сераду ў ходзе брыфінгу ў МПЦ Sputnik галоўрэд часопіса "Геоэнергетика.ru" Барыс Марцынкевіч.
Раней падчас інтэрв'ю Аляксандра Лукашэнкі для расійскага тэлеканала была агучана цана на расійскі прыродны газ для Беларусі ў бягучым годзе. У параўнанні з 2020 годам яна вырасла нязначна і склала 128,5 долара за тысячу кубаметраў.
Цёплая зіма ў Еўропе
"Думаю, што гэтая цана ва ўмовах нашых адносін магла б быць больш справядлівай, скажам так", - сказаў беларускі лідэр у інтэрв'ю праграме "Дзеючыя асобы" з Наілей Аскер-задэ на канале "Россия 1".
Па словах аналітыка, беларускі бок на працягу 2020 года неаднаразова заяўляў, што хацеў бы бачыць цэны на прыродны газ з Расіі на ўзроўні спотавых каціровак.
"Цёплая зіма ў Еўропе яна заўсёды расхалоджвае. Цяперашняя зіма выдалася досыць суровай для Еўропы і са спотавымі цэнамі адбываецца тое, што адбываецца. Па доўгатэрміновых кантрактах трубаправодным цана для еўрапейскіх спажыўцоў у снежні была 180 долараў. У гэты час спотавыя цэны былі ўжо 280 долараў" , - распавёў ён.
Пры гэтым Барыс Марцінкевіч звярнуў увагу, што падчас халоднай дэкады ў студзені цэны на спотавым рынку, да якога ў мінулым годзе апеляваў Аляксандр Лукашэнка, падняліся да 380 долараў.
"Таму ў беларускага боку няма больш жадання ўспамінаць пра тое, што такое спотавыя цэны для еўрапейскіх спажыўцоў", - выказаў меркаванне галоўны рэдактар.
Выгадна абодвум краінам
На яго думку, сітуацыя на газавым рынку Еўропы вельмі паказальная. Бо, калі б Расія і Беларусь гандлявалі па спотавых цэнах, якія мяняліся б кожныя два тыдні ад партыі да партыі, то гэта выглядала б не вельмі для беларускага боку.
"Цяпер на год наперад міністэрства прамысловасці і дзяржаўныя прадпрыемствы могуць пралічыць сабекошт сваёй прадукцыі: колькі будзе каштаваць газ, колькі будзе каштаваць электраэнергія", - звярнуў увагу ён.
Барыс Марцінкевіч выказаў здагадку, што, калі б у рамках Саюзнай дзяржавы Масква і Мінск гулялі б у падабенства ліберальнага еўрапейскага рынку, гэта не стала бы станоўчым фактарам для беларускіх прадпрыемстваў.
"Узровень адносін, які прадэманстравалі ў гэты раз, што па нафце, што па газе, ён значна больш лагічны і больш выгадны як для Расіі, так і для Беларусі. Таму што канцэрн Газпром можа разлічыць свой прыбытак, Беларусь можа разлічыць сабекошт таго, што яна вырабляе. Усё нашмат больш прадказальна, што ў сучасным бушуючым свеце галоўнае для таго, каб правільна выбудоўваць бізнес-планы", - канстатаваў эксперт.
Чытайце таксама:
- Стала вядома, колькі каштуе газ для Беларусі ў 2021 годзе
- Мезенцаў абмеркаваў з Новаком энергетычную інтэграцыю Расіі і Беларусі
- Беларусь дамовілася з РФ аб пастаўках нафты і газу на выгадных умовах
