МІНСК, 26 сак – Sputnik. Расія не ўмешваецца ні ў графікі паставак вакцын ў Еўропе, ні ў ліцэнзаванне заходніх прэпаратаў, адзначыла Захарава.
"Дзе мы? Калі мы нешта падрывалі? Дзе гэтыя матэрыялы? Апублікуйце што-небудзь, пакажыце, прад'явіце, хоць бы сваім СМІ канкрэтныя факты", - сказала Захарава на брыфінгу.
Паводле яе слоў, цяпер ёсць "нямала ўзаемных прэтэнзій заходніх партнёраў у адрас адзін аднаго" з-за вакцынацыі і дзейнасці ў тым ліку і заходніх фармкампаній. І Масква ўвогуле не мае да гэтага ніякага дачынення.
"Мы проста чытаем вашыя ж навіны, у якіх пазначана, як то адна заходняя сталіца, то адно заходняе міністэрства аховы здароўя, то іншае, то трэцяе выказваюць асцярогу зрывам паставак, наяўнасцю пабочных дзеянняў ад вакцын, няўзгодненасцю дзеянняў краінавых аб'яднанняў", - патлумачыла Захарава.
Таксама яна назвала глупствам заяву кіраўніка дыпламатыі ЕС Жозепа Барэля пра тое, што Расія - "небяспечны сусед" для Еўрасаюза. Масква заклікае Еўрасаюз змяніць абвінаваўчы тон у адрас РФ.
"Такая танальнасць недапушчальная", - заявіла Захарава.
Са свайго боку Масква ўлічыць захаванне канфрантацыйнага настрою НАТА у сваім знешнепалітычным і ваенным планаванні, пра што раней неаднаразова папярэджвала.
Па словах Захаравай, вынікі сустрэчы кіраўнікоў МЗС краін альянсу "не прынеслі якіх-небудзь сюрпрызаў": была ў чарговы раз праяўлена "няздольнасць надаць сэнс" існаванню альянсу ў далейшым, а таксама сфармуліраваць пазітыўны парадак дня.
Чытайце таксама:
- Расія не збіраецца палітызаваць пытанне па вакцынах ад COVID - МЗС РФ
- ЕС пачне перамовы па закупках расійскай вакцыны "Спутник V"
- За дыялог: Лаўроў правёў першую размову з Блінкенам
