МІНСК, 23 кра – Sputnik. Міністэрства антыманапольнага рэгулявання і гандлю (МАРГ) вынесла папярэджанне аператару рознічнай сеткі "Табакерка" - кампаніі СЗАТ "ЭНЕРГА-ОІЛ", паведаміла прэс-служба ведамства.
Супрацоўнікі МАРГ прааналізавалі, як ідуць справы на таварным рынку тытунёвых вырабаў у частцы аптовага гандлю і рэалізацыі. Высветлілася, што кампаніі, якія займаюць дамінуючае становішча на рынку, не даюць выйсці на яго іншым. Падчас антыманапольнага расследавання спецыялісты ўстанавілі, што "ЭНЕРГА-ОІЛ" можа парушаць закон "Аб супрацьдзеянні манапалістычнай дзейнасці і развіцці канкурэнцыі".
У сувязі з гэтым міністэрства вынесла папярэджанне аператару "табакерак" з тым, каб распрацаваць правілы гандлёвай практыкі, накіраваныя на забеспячэнне недыскрымінацыйнага доступу да тавараў. Яны павінны ўтрымліваць аб'ёмы пастаўкі і асартымент тавараў, парадак і ўмовы аплаты, дастаўкі, меры адказнасці за парушэнне абавязацельстваў.
З 1 жніўня 2018 года кампанія стала адзіным аператарам у рэспубліцы па продажы тытунёвых вырабаў "Гродзенскай тытунёвай фабрыкі "Нёман", у 2019 годзе СЗАТ "ЭНЕРГА-ОІЛ" пачала кантраляваць мінскую фабрыку "Інтэр Табакка". З 15 студзеня 2021 года СЗАТ уключана ў Дзяржрэестр гаспадарчых суб'ектаў, якія займаюць дамінуючае становішча на таварных рынках, па таварнай пазіцыі "тытунёвыя вырабы (аптовы гандаль) за выключэннем тытунёвых вырабаў, імпартуемых грамадствам".
Чытайце таксама:
- МАРГ узяў пад асаблівы кантроль цэны на пітную ваду ў крамах
- МАРГ распавёў, што і калі падаражэе: праезд, жыллёва-камунальныя паслугі, алкаголь і іншае
- МАРГ: асартыментны пералік - не перашкода для імпарту
