Праца на лета для школьніка: дзе знайсці і як уладкавацца

© Sputnik / Марина СеребряковаДзеці могуць працаваць прыбіральшчыкамі
Дзеці могуць працаваць прыбіральшчыкамі - Sputnik Беларусь, 1920, 02.06.2021
Падпісацца на
Пашпарт, меддаведка і поўныя 16 - галоўныя патрабаванні для падлетка, які плануе афіцыйна зарабіць свае "кішэнныя". Колькі дзяцей гатовы ўзяць на падпрацоўку гэтым летам арганізацыі і студэнцкія атрады?
Рынак вакансій для школьнікаў у Беларусі пастаянна пашыраецца. Ёсць будаўнічыя, сервісныя, сельскагаспадарчыя, педагагічныя і мноства іншых атрадаў. Як трапіць у такі атрад і колькі будуць плаціць, вывучыў Sputnik.

Хто можа падпрацоўваць

У студатрадах маюць права працаваць дзеці з 14-гадовага ўзросту, тлумачаць у Мінадукацыі. Удзельнічаюць у студатрадах і паўналетнія - дапускаецца да 31.
Гэта могуць быць сэрвісныя, экалагічныя, педагагічныя, будаўнічыя, медыцынскія, лесагаспадарчыя атрады. У кожным такім атрадзе павінен быць камандзір ад 18 гадоў і старэй. Працаваць можна 10 дзён мінімум, зарплата выплачваецца па грамадзянска-прававому або працоўнаму дагавору.
У гэтым годзе ў Беларусі будзе 1137 студатрадаў, яны возьмуць на працу 28 951 падлетка. Тры атрады (каля 50 чалавек) ужо адправіліся на працу ў Расійскую Федэрацыю - там створаны сэрвісныя і педагагічныя лагеры. Сэрвісныя - гэта "абслугоўваючы персанал": прыбіральшчыцы, кухонныя працоўныя, плаўрукі (тыя, хто навучае плаванню).
"Цяпер рыхтуем вялікі беларуска-расійскі атрад дарожнікаў на рэканструкцыю трасы М1 на тэрыторыі Расіі. Чалавек 200 плануем адправіць туды. Будуць атрады і ў Астраўцы, дзе будуецца АЭС. Як беларусы, так і расіяне", - тлумачыць галоўны спецыяліст упраўлення па справах моладзі міністэрства адукацыі Беларусі Таццяна Рубанік.

Як школьніку ўладкавацца на падпрацоўку

Уладкавацца ў студатрад можна праз БРСМ. У кожным райцэнтры рэспублікі ёсць камітэт, які разглядае заяўкі і прапануе наяўныя варыянты. Часцей за ўсё - гэта Зелянбуд, Белпошта, лясгасы, калгасы, будаўнічыя атрады. На будоўлю, удакладняе Рубанік, кожны год ідзе працаваць каля паловы жадаючых школьнікаў.
Таксама непаўналетнія могуць уладкавацца праз ФСАН або канкрэтныя арганізацыі. У асноўным гэта могуць быць школы або цэнтры пазашкольнай занятасці.
"І яны рэмантуюць мэблю,  клумбы полюць, сувенірную прадукцыю робяць. У гэтым годзе вельмі папулярны заапарк, і хлопцы і дзяўчаты туды працаўладкоўваюцца", - дапаўняе прадстаўнік Мінадукацыі.
Заключаць самастойна дагавор з працадаўцам можна з 16 гадоў. Калі школьніку 14-15, трэба пісьмовы дазвол бацькоў. А вось якія дакументы трэба прынесці ў аддзел кадраў, каб афіцыйна працаўладкавацца на некаторы час:
  • пашпарт,
  • прыпісное пасведчанне (для хлопцаў-прызыўнікоў),
  • даведка са школы або каледжа,
  • меддаведка (такая, як у школу),
  • працоўная кніжка (калі гэта не першае месца працы).

Колькі гадзін у дзень можна працаваць

Калі школьніку ад 14 да 16, працоўны максімум - 23 гадзіны ў тыдзень. У дзень гэта 4 гадзіны 36 хвілін. Падлеткам ва ўзросце 16 да 18 дазваляецца не больш за 35 гадзін у тыдзень - атрымліваецца па 7 гадзін у дзень.
Школьнікам нельга працаваць ноччу, звышурочна, прыцягвацца на змену ў дзяржаўныя святы і святочныя дні. Падлеткі могуць выконваць агульнадаступныя працы, якія не з'яўляюцца шкоднымі для іх здароўя і не перашкаджаюць атрыманню агульнай сярэдняй адукацыі, канстатуюць у Мінпрацы.

Якую зарплату школьнік можа атрымліваць

Студэнты падчас навучання - Sputnik Беларусь, 1920, 05.04.2021
Квота для беларускіх студэнтаў ва ўніверсітэтах Расіі падвоілася

Непаўналетнім зарплата выплачваецца ў такім жа памеры, як і дарослым работнікам адпаведных катэгорый, якія працуюць 40 гадзін у тыдзень. Выключэнні складаюць навучэнцы, якія атрымліваюць агульную сярэднюю адукацыю або спецыяльнае на ўзроўні сярэдняга, а таксама тыя, хто працуе ў вольны ад вучобы час.

"Ім плацяць прапарцыйна адпрацаванаму часу ці ў залежнасці ад выпрацоўкі. Як правіла, дзецям, якія працуюць за сродкі ФСАН, зарплата даводзіцца да мінімальнай (400 рублёў - Sputnik), - тлумачаць у ведамстве.
Акрамя таго, для непаўналетніх не усталёўваецца выпрабавальны тэрмін, а школьнікі маюць такія ж працоўныя правы, як і дарослыя. Часам, нават і з некаторымі прэферэнцыямі. У прыватнасці, калі вучню няма 18, ён мае права на 30-дзённы адпачынак (у дарослых - 24). Аднак як і любога дарослага, падлетка могуць звольніць за прагулы або з'яўленне на працы ў нецвярозым стане.
Чытайце таксама:
Стужка навiн
0
Спачатку новыяСпачатку старыя
loader
У эфіры
Заголовок открываемого материала