https://bel.sputnik.by/20210617/Deputaty-prynyal-paprak--zakon-ab-abarone-suverentetu-1047908740.html
Дэпутаты прынялі папраўкі ў закон аб абароне суверэнітэту
Дэпутаты прынялі папраўкі ў закон аб абароне суверэнітэту
Sputnik Беларусь
Нарматыўны акт уносіць змены ў законы аб узброеных сілах, а таксама аб надзвычайным і ваенным становішчы. 17.06.2021, Sputnik Беларусь
2021-06-17T13:27+0300
2021-06-17T13:27+0300
2022-06-28T15:44+0300
навіны
у беларусі
палітыка
галоўнае
дэпутат
папраўкі
закон
абарона
суверэнітэт
бяспека
https://cdnn11.img.sputnik.by/img/104065/97/1040659721_0:156:3001:1844_1920x0_80_0_0_e85ada0ec47cdf696307174e20eb12e2.jpg
МІНСК, 17 чэр – Sputnik. Палата прадстаўнікоў прыняла ў чацвер у першым чытанні папраўкі ў закон па пытаннях абароны суверэнітэту і канстытуцыйнага ладу, перадае карэспандэнт Sputnik.Пры увядзенні надзвычайнага становішча ў краіне, на думку Кубракова, трэба абавязкова распрацоўваць асобны план. "Там будуць прапісаны канкрэтныя задачы ўсім органам улады", - дадаў міністр.У законапраекце вызначаецца роля дзяржаўнай сістэмы рэагавання на акты тэрарызму і масавыя беспарадкі.Што змяняеццаУ нарматыўным акце ўдакладняюцца падставы і парадак увядзення і адмены НС з улікам сучасных пагроз нацбяспекі, скарэкціраваны надзвычайныя меры і часовыя абмежаванні."На мясцовыя органы ўлады ускладаецца распрацоўка планаў па падрыхтоўцы НС на адпаведных тэрыторыях. Удакладняюцца сілы і сродкі, якія ўдзельнічаюць для забеспячэння рэжыму надзвычайнага становішча, у тым ліку роля ўзброеных сіл, МНС і іншых ваенізаваных арганізацый", - канстатаваў кіраўнік МУС.У законе "Аб Узброеных Сілах Рэспублікі Беларусь" замацоўваецца прыцягненне УС для вырашэння задач функцыянавання дзяржаўнай сістэмы рэагавання. Акрамя таго, у дакуменце вызначаны паўнамоцтвы, сацыяльна-прававыя гарантыі вайскоўцаў, якія забяспечваюць рэжым НС.Накіраваны на прафілактыкуІван Кубракоў назваў новы нарматыўны акт "вельмі своечасовым".Міністр падкрэсліў, што надзвычайнае або ваеннае становішча ў краіне будзе ўводзіцца толькі ў тым выпадку, калі навядзенне парадку іншым спосабам стане немагчыма.Паводле яго слоў, папраўкі накіраваны не толькі на спыненне масавых беспарадкаў альбо нейкіх іншых падзей."Яны закліканы не дапусціць і нейтралізаваць пагрозы і выклікі, якія паступаюць у адносінах да нашай рэспублікі, і накіраваны на прафілактыку. Мы прааналізавалі, як бы мы дзейнічалі, калі б нам прыйшлося ўводзіць надзвычайнае або ваеннае становішча. Таму і ўзнікла неабходнасць карэкціроўкі закона", - заявіў міністр, каментуючы дакумент журналістам.Што тычыцца новага органа - Савета бяспекі, то ён будзе кіраваць працай усіх службаў, у тым ліку і сілавога блока пры НС у асаблівых умовах. "Павінен быць такі дзяржорган, які ў выпадку, калі нам, не дай бог, прыйдзецца ўводзіць ваеннае становішча, будзе ўсё каардынаваць і кантраляваць", - растлумачыў Кубракоў.Грамадзянам не варта турбаваццаПаводле яго слоў, усе заканадаўчыя меры, якія прымаюцца, павінны забяспечваць бяспеку грамадзян."Людзям абсалютна не варта турбавацца. Мы прымаем гэтыя папраўкі для таго, каб нам не прыйшлося ўводзіць ні надзвычайнага, ні ваеннае становішча", - дадаў ён.У цэлым, новы законапраект накіраваны на абарону незалежнасці, тэрытарыяльнай цэласнасці, суверэнітэту і канстытуцыйнага ладу рэспублікі, а таксама падтрымання грамадзянскага міру, адзначыў Кубракоў.Прыняцце праекта закона будзе спрыяць павышэнню эфектыўнасці дзяржаўнай сістэмы кіравання, службовых асоб ва ўмовах надзвычайнага і ваеннага становішча.Нічога не спыняеццаПадзеі мінулага года, масавыя беспарадкі паказалі неабходнасць перагляду заканадаўства, лічыць член Пастаяннай камісіі Палаты прадстаўнікоў па заканадаўстве Людміла Жалнерчык. Гэта тычыцца надзялення паўнамоцтвамі дзяржаўных органаў у частцы задзейнічання і прымянення сіл і сродкаў для абароны канстытуцыйнага ладу і суверэнітэту, удакладніла яна."Мы назіраем, што і зараз, у цяперашні час, нічога яшчэ не спыняецца, і наша Беларусь падвергнута беспрэцэдэнтнай атацы. Наспела неабходнасць нам нешта прадпрымаць. Такі закон неабходны, таму што мы павінны даказаць усяму свету, што можам абараніць нашу краіну" , - заявіла дэпутат, каментуючы новы закон СМІ.Нагадаем, Лукашэнка 9 траўня гэтага года падпісаў дэкрэт №2 "Аб абароне суверэнітэту і канстытуцыйнага ладу". Згодна з ім у выпадку гібелі прэзідэнта з прычыны замаху, здзяйснення акта тэрарызму, знешняй агрэсіі, іншых гвалтоўных дзеянняў прэзідэнцкія паўнамоцтвы часова пяройдуць Савету бяспекі, і ўсе дзяржорганы будуць дзейнічаць у адпаведнасці з яго рашэннямі.Чытайце таксама:
https://bel.sputnik.by/20210616/Vuchenne-Slavyanskae-braterstva---2021-perayshlo--aktynuyu-fazu-1047895192.html
https://bel.sputnik.by/20210616/Bayden-pagavary-z-Putsnym-pra-Belarus-1047905946.html
https://bel.sputnik.by/20210614/NATA-ne-zbraetstsa-razmyashchats-u-Erope-novyya-yadzernyya-rakety-1047882700.html
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
навіны , у беларусі, палітыка, галоўнае, дэпутат, папраўкі, закон, абарона, суверэнітэт, бяспека
навіны , у беларусі, палітыка, галоўнае, дэпутат, папраўкі, закон, абарона, суверэнітэт, бяспека
Дэпутаты прынялі папраўкі ў закон аб абароне суверэнітэту
13:27 17.06.2021 (абноўлена: 15:44 28.06.2022) Нарматыўны акт уносіць змены ў законы аб узброеных сілах, а таксама аб надзвычайным і ваенным становішчы.
МІНСК, 17 чэр – Sputnik. Палата прадстаўнікоў прыняла ў чацвер у першым чытанні папраўкі ў закон па пытаннях абароны суверэнітэту і канстытуцыйнага ладу, перадае карэспандэнт Sputnik.
"Згодна з законапраектам, у Беларусі з'явіцца дадатковы дзяржаўны орган - Савет бяспекі. Ён будзе адказваць за каардынацыю дзеянняў сіл і сродкаў пры забеспячэнні рэжыму НС", - паведаміў міністр унутраных спраў Іван Кубракоў, прадстаўляючы дакумент у Авальнай зале.
Пры увядзенні надзвычайнага становішча ў краіне, на думку Кубракова, трэба абавязкова распрацоўваць асобны план. "Там будуць прапісаны канкрэтныя задачы ўсім органам улады", - дадаў міністр.
У законапраекце вызначаецца роля дзяржаўнай сістэмы рэагавання на акты тэрарызму і масавыя беспарадкі.
У нарматыўным акце ўдакладняюцца падставы і парадак увядзення і адмены НС з улікам сучасных пагроз нацбяспекі, скарэкціраваны надзвычайныя меры і часовыя абмежаванні.
"На мясцовыя органы ўлады ускладаецца распрацоўка планаў па падрыхтоўцы НС на адпаведных тэрыторыях. Удакладняюцца сілы і сродкі, якія ўдзельнічаюць для забеспячэння рэжыму надзвычайнага становішча, у тым ліку роля ўзброеных сіл, МНС і іншых ваенізаваных арганізацый", - канстатаваў кіраўнік МУС.
У законе "Аб Узброеных Сілах Рэспублікі Беларусь" замацоўваецца прыцягненне УС для вырашэння задач функцыянавання дзяржаўнай сістэмы рэагавання. Акрамя таго, у дакуменце вызначаны паўнамоцтвы, сацыяльна-прававыя гарантыі вайскоўцаў, якія забяспечваюць рэжым НС.
Накіраваны на прафілактыку
Іван Кубракоў назваў новы нарматыўны акт "вельмі своечасовым".
"Перш чым унесці прававыя змены, мы прааналізавалі падзеі, якія адбываліся ў нашай краіне пасля прэзідэнцкіх выбараў у 2020 годзе. Таксама разглядаліся і падзеі за мяжой, у тым ліку і ў СНД", - сказаў ён.
Міністр падкрэсліў, што надзвычайнае або ваеннае становішча ў краіне будзе ўводзіцца толькі ў тым выпадку, калі навядзенне парадку іншым спосабам стане немагчыма.
Паводле яго слоў, папраўкі накіраваны не толькі на спыненне масавых беспарадкаў альбо нейкіх іншых падзей.
"Яны закліканы не дапусціць і нейтралізаваць пагрозы і выклікі, якія паступаюць у адносінах да нашай рэспублікі, і накіраваны на прафілактыку. Мы прааналізавалі, як бы мы дзейнічалі, калі б нам прыйшлося ўводзіць надзвычайнае або ваеннае становішча. Таму і ўзнікла неабходнасць карэкціроўкі закона", - заявіў міністр, каментуючы дакумент журналістам.
Што тычыцца новага органа - Савета бяспекі, то ён будзе кіраваць працай усіх службаў, у тым ліку і сілавога блока пры НС у асаблівых умовах. "Павінен быць такі дзяржорган, які ў выпадку, калі нам, не дай бог, прыйдзецца ўводзіць ваеннае становішча, будзе ўсё каардынаваць і кантраляваць", - растлумачыў Кубракоў.
Грамадзянам не варта турбавацца
Паводле яго слоў, усе заканадаўчыя меры, якія прымаюцца, павінны забяспечваць бяспеку грамадзян.
"Людзям абсалютна не варта турбавацца. Мы прымаем гэтыя папраўкі для таго, каб нам не прыйшлося ўводзіць ні надзвычайнага, ні ваеннае становішча", - дадаў ён.
У цэлым, новы законапраект накіраваны на абарону незалежнасці, тэрытарыяльнай цэласнасці, суверэнітэту і канстытуцыйнага ладу рэспублікі, а таксама падтрымання грамадзянскага міру, адзначыў Кубракоў.
Прыняцце праекта закона будзе спрыяць павышэнню эфектыўнасці дзяржаўнай сістэмы кіравання, службовых асоб ва ўмовах надзвычайнага і ваеннага становішча.
Падзеі мінулага года, масавыя беспарадкі паказалі неабходнасць перагляду заканадаўства, лічыць член Пастаяннай камісіі Палаты прадстаўнікоў па заканадаўстве Людміла Жалнерчык. Гэта тычыцца надзялення паўнамоцтвамі дзяржаўных органаў у частцы задзейнічання і прымянення сіл і сродкаў для абароны канстытуцыйнага ладу і суверэнітэту, удакладніла яна.
"Мы назіраем, што і зараз, у цяперашні час, нічога яшчэ не спыняецца, і наша Беларусь падвергнута беспрэцэдэнтнай атацы. Наспела неабходнасць нам нешта прадпрымаць. Такі закон неабходны, таму што мы павінны даказаць усяму свету, што можам абараніць нашу краіну" , - заявіла дэпутат, каментуючы новы закон СМІ.
Нагадаем, Лукашэнка 9 траўня гэтага года падпісаў дэкрэт №2 "Аб абароне суверэнітэту і канстытуцыйнага ладу". Згодна з ім у выпадку гібелі прэзідэнта з прычыны замаху, здзяйснення акта тэрарызму, знешняй агрэсіі, іншых гвалтоўных дзеянняў прэзідэнцкія паўнамоцтвы часова пяройдуць Савету бяспекі, і ўсе дзяржорганы будуць дзейнічаць у адпаведнасці з яго рашэннямі.
