https://bel.sputnik.by/20210716/abnarodavany-praekt-abnolenay-kanstytutsy-belarus-1054896776.html

Абнародаваны праект абноўленай Канстытуцыі Беларусі

Абнародаваны праект абноўленай Канстытуцыі Беларусі

Sputnik Беларусь

У праект унесены шэраг паправак, звязаных з прэзідэнтам краіны, у прыватнасці, абмежаванне колькасці тэрмінаў. 16.07.2021, Sputnik Беларусь

2021-07-16T11:49+0300

2021-07-16T11:49+0300

2022-01-19T18:30+0300

канстытуцыя

беларусь

прэзідэнт

праект

папраўкі

канстытуцыя рэспублікі беларусь

папраўкі ў канстытуцыю беларусі

https://cdnn11.img.sputnik.by/img/07e4/0a/1c/1046005364_0:156:3001:1844_1920x0_80_0_0_3fdbe022ec7f0c790f5971911f9cd619.jpg

МІНСК, 16 ліп – Sputnik. Установа "Круглы стол дэмакратычных сіл" (КСДС) апублікавала на сваім сайце выніковую прапанову Канстытуцыйнай камісіі па праекце новай Канстытуцыі РБ.Прэзідэнт Беларусі Аляксандр Лукашэнка 16 сакавіка падпісаў указ аб стварэнні Канстытуцыйнай камісіі, якая займалася выпрацоўкай змяненняў і дапаўненняў у Асноўны Закон. У склад увайшлі 36 чалавек. Яны павінны былі прадставіць свае напрацоўкі да 1 жніўня. Чакаецца, што гэты праект вынесуць на рэспубліканскі рэферэндум у пачатку 2022 года.У дакуменце, у прыватнасці, напісана, што прэзідэнтам Беларусі можа быць абраны грамадзянін рэспублікі па нараджэнні, "не маладзейшы за 40 гадоў (цяпер - не маладзейшы за 35 гадоў - Sputnik)... пастаянна пражывае ў Рэспубліцы Беларусь не менш за 20 гадоў (цяпер - 10 гадоў) непасрэдна перад выбарамі, які не мае і які не меў раней грамадзянства замежнай дзяржавы або віду на жыхарства... на тэрыторыi замежнай дзяржавы".Пры гэтым удакладняецца, што нельга быць кіраўніком краіны больш за два тэрміны.У пераліку паўнамоцтваў кіраўніка дзяржавы мяркуецца прапісаць, што ён са згоды парламента прызначае і вызваляе ад пасады прэм'ер-міністра. У праекце адзначана, што паўнамоцтвы абедзвюх палат Нацыянальнага схода могуць быць спынены пры трохразовай адмове ў прызначэнні кіраўніка ўрада.Прапануецца прыбраць з Канстытуцыі права прэзідэнта адмяняць акты ўрада, выдаваць дэкрэты, а таксама ўзаконіць магчымасць звальнення з пасады прэзідэнта Усебеларускім народным сходам у сувязі са здзяйсненнем дзяржздрады або іншага цяжкага злачынства.Па новай Канстытуцыі Усебеларускі народны сход будзе прызнаны вышэйшым прадстаўнічым органам народаўладдзя. Структура будзе аб'ядноўваць усіх дэпутатаў, сенатараў, прадстаўнікоў мясцовых органаў самакіравання з усіх рэгіёнаў рэспублікі. Сход плануецца надзяліць функцыямі па выбары стратэгіі развіцця краіны, ён зможа вырашаць пытанне аб легітымнасці абрання кіраўніка дзяржавы.Тэрмін паўнамоцтваў парламента прапанавана павялічыць з 4 да 5 гадоў. Таксама ў планах зацвердзіць пасаду Упаўнаважанага па правах чалавека, ён будзе прызначацца прэзідэнтам з папярэдняй згоды верхняй палаты парламента на 5 гадоў.Дакумент закліканы замацаваць забарону фінансавання расходаў на падрыхтоўку і правядзенне выбараў замежнымі дзяржавамі, арганізацыямі і грамадзянамі, а таксама прадугледзець адзіны дзень галасавання.Па праекце абноўленай Канстытуцыі Беларусь імкнецца стаць нейтральнай дзяржавай, выключае ваенную агрэсію са свайго боку і можа задзейнічаць калектыўную абарону для абароны суверэнітэту і тэрытарыяльнай цэласнасці.Чытайце таксама:

беларусь

2021

Навіны

ru_BY

канстытуцыя, беларусь, прэзідэнт, праект, папраўкі, канстытуцыя рэспублікі беларусь, папраўкі ў канстытуцыю беларусі