Турцыя можа закрыць межы пасля скачка захворвання на "дэльту"

© Flickr / Harold LitwilerСцяг Турцыі
Сцяг Турцыі - Sputnik Беларусь, 1920, 20.07.2021
Краіна, якая зарабляе ў асноўным на турызме, плануе прыняць у гэтым годзе 25 мільёнаў падарожнікаў і атрымаць прыбытак у 20 мільярдаў долараў.
МІНСК, 20 ліп - Sputnik. Улады Турцыі не выключаюць закрыццё краіны для замежных турыстаў, калі захворванне дэльта-штамам рэзка павялічыцца, заявіў у панядзелак міністр культуры і турызму рэспублікі Мехмет Нуры Эрсой.
Паводле яго слоў, у прыярытэце - максімальная вакцынацыя. Калі яна паскорыцца, то Турцыя цалкам вернецца да нармальнага жыцця. Аднак, паводле яго слоў, пакуль "усё ідзе добра" і пытанне па закрыццю межаў пакуль не стаіць на парадку.
"Мы разлічваем прыняць у гэтым годзе 25 мільёнаў турыстаў, атрымаўшы даход у 20 мільярдаў долараў. Але мая асабістая мэта - гэта 30 мільёнаў турыстаў і 23 мільярды даходу", - дадаў турэцкі міністр.
У нядзелю, 18 ліпеня, Міністэрства аховы здароўя Турцыі паведаміла пра максімальны з канца траўня сутачны прырост выпадкаў заражэння - 7680, за суткі ад інфекцыі памерлі 66 чалавек. Акрамя таго, за апошні тыдзень у краіне амаль утрая ўзрасла колькасць выпадкаў заражэння штамам "дэльта". Максімальны сутачны прырост у Турцыі за ўвесь час - 63 082 выпадкі. З 1 ліпеня ў рэспубліцы цалкам адмянілі каменданцкую гадзіну.

Штам "дэльта"

У больш чым 104 краінах цыркулюе менавіта дэльта-штам каронавіруса. Ён валодае вельмі высокай заразнасцю. Чакаецца, што гэты штам хутка стане дамінуючым у свеце, заявіў нядаўна кіраўнік СААЗ Тэдрас Гебрейесус.
"Дэльта" распаўсюджваецца на 50% хутчэй варыянту "альфа", які, у сваю чаргу, быў на 50% больш заразным першапачатковага штаму каронавіруснай інфекцыі. Найбольш дзейсны спосаб барацьбы "дэльтай" - своечасовая вакцынацыя.

Павелічэнне рэйсаў з Беларусі

Беларуская авіякампанія "Белавія" павялічыла колькасць рэйсаў у Турцыю: з 12 чэрвеня самалёты беларускага авіяперавозчыка здзяйсняюць рэгулярныя рэйсы ў Стамбул (Турцыя) 14 разоў на тыдзень (раней - 10). Таксама ўзрасла колькасць чартараў - у дзень самалёты з турыстамі могуць здзяйсняць да 5 рэйсаў.
Таксама, нагадаем, авіякампанія павысіла кошт выканання турыстычных рэйсаў у Турцыю з-за павелічэння палётнага часу, колькасці паліва на борце, а таксама выдаткаў на аэранавігацыйнае абслугоўванне. У чэрвені перавозчыку прыйшлося перагледзець маршруты выканання чартэрных рэйсаў з-за уведзеных раней забарон на перасячэнне паветранай прасторы Украіны і іншых краін Еўропы.
Чытайце таксама:
Новыя правілы для тураператараў: ці зменяцца цэны на пуцёўкі?
МЗС Літвы просіць Турцыю скараціць колькасць авіярэйсаў са Стамбула ў Мінск
Грузія ці Турцыя? Колькі каштуе бліжэйшы адпачынак на моры для беларусаў
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі