Лукашэнка: да санкцыйнага вэрхалу краіна толькі пачынае прыстасоўвацца

© Photo : пресс-служба президента БеларусиПрэзідэнт Беларусі Аляксандр Лукашэнка
Прэзідэнт Беларусі Аляксандр Лукашэнка - Sputnik Беларусь, 1920, 30.07.2021
Падпісацца
Беларускія ўлады сутыкнуліся з сектаральнымі эканамічнымі санкцыямі з боку заходніх краін у адказ на палітычны крызіс у рэспубліцы пасля прэзідэнцкіх выбараў.
МІНСК, 30 ліп - Sputnik. Любыя абмежаванні - гэта шанец для раскрыцця ўнутраных рэзерваў, заявіў беларускі лідэр у Палацы Незалежнасці ў час сустрэчы з актывам мясцовай вертыкалі.
Паводле яго слоў, сустрэчы для абмеркавання актуальных пытанняў грамадска-палітычнага становішча могуць стаць традыцыйнымі, так як гэта не толькі спосаб інфармавання людзей, "але і пэўны дух, які павінен гуртаваць вертыкаль улады".
Аляксандр Лукашэнка растлумачыў прадстаўнікам мясцовай улады, што "сустрэча прадыктавана неабходнасцю зверыць гадзіннікі, вызначыць далейшую стратэгію працы ў новых для нас умовах. Перш за ўсё эканамічных".
Пры гэтым ён звярнуў увагу, што пандэмія каронавіруса аказала ўплыў на ўсе краіны і ў нашай рэспубліцы навучыліся існаваць у дадзеных умовах.
"Да чарговагасанкцыйнага вэрхалу краіна толькі пачынае прыстасоўвацца", - прыводзіць словы кіраўніка дзяржавы прэс-служба.
"І на сваім вопыце добра ведаем, што любыя абмежаванні - гэта шанец для раскрыцця ўнутраных рэзерваў. Пэўныя крокі ўжо зроблены", - запэўніў беларускі лідэр.

Плацдарм для кідка

На думку Аляксандра Лукашэнкі, рэспубліка ў цяперашні час трымае ўдар па ўсіх напрамках, уключаючы палітычны, дыпламатычны, інфармацыйны і грамадскі. Пагрозы паступаюць у ваеннай сферы і нават гісторыі.
"Хтосьці вельмі хоча, каб беларусы назаўжды згубілі сваю ідэнтычнасць і завяршылі шлях як нацыя, растварыліся ў глабальным свеце. Па розных прычынах", - сказаў ён.
Пасля чаго дадаў, што некаторыя заходнія контрпартнёры шукаюць у Беларусі "свае" гістарычныя тэрыторыі. Іншыя бачаць плацдарм для новага кідка на ўсход".

Эпіцэнтр супрацьстаяння

Кіраўнік дзяржавы ўпэўнены, што рэспубліка з'яўляецца звяном, якое звязвае Захад і Усход. Па гэтай прычыне яна апынулася ў эпіцэнтры цывілізацыйнага супрацьстаяння.
"Мы не згушчаем фарбы, а канстатуем факт: уздоўж нашых межаў метадычна нарошчваецца наступальная ваенная інфраструктура НАТА", - сцвярджае Аляксандр Лукашэнка.

Дэмаршы ля межаў

Беларускі лідэр распавёў, што на міжнароднай арэне са жніўня мінулага года не спыняюцца спробы дыскрэдытаваць рэспубліку.

"Мы назіраем серыю бессэнсоўных дэманстратыўных дэмаршаў, асабліва па перыметры межаў", - сказаў ён.

Чытайце таксама:
Лукашэнка: кажуць, што ўлада людзей псуе, - гэта не да мяне
Нягледзячы на санкцыі: Беларусь не збіраецца сыходзіць з рынку ЕС
Санкцыйны ціск патрабуе ўзгодненых дзеянняў СНД – Лебедзеў
Стужка навiн
0